بنات عندي استفسار بسيط اعرف وحده مسجينه تبا تتطلق لانها خلاص مب قادرة تتحمل اسلوب ريلها وسوالفه وفي نفس الوقت تخاف تتطلق ويسحب عنها الحضانه لانه يهددها انه بيسحبهم وبيتهمها بالخيانه وبيقول فيها وفيها يعني اريال مايخاف الله وهي ماتعرف لهالسوالف ولا عندها حد تلجأ له فبغيت مساعدتكم يزاكم الله خير هي تبا تعرف هل المحكمه تعطيه حق الحضانه لو سوى جي للعلم عيالها صغار سنتين واربع سنين في هالحدود؟
سنتين و 4 سنوات الحضانة تكون عند الام
ومب على كيفه يقول خيانه ماخيانه جدام القاضي لازم اثبات ودليل
انتي بمجرد ما تطلقين اول شي بتسيرين عند المصلح الاجتماعي وبيجتمع ريلج معاج وعقب المصلح اذا شاف مامنه فايده بيحولونكم عالقاضي
بمجرد مايحكم لج القاضي بالطلاق الحضانه تكون من حقج وهو لازم يثبت ان الام مب كفؤ تربية العيال اما بمجرد كلام القاضي مايستمع ولا حتى يرضى يشهد العيال
ربي يسر الامور
الحضانة للام و حتى في قانون وديمة هذا من سمو الشيخ محمد بن راشد ال مكتوم ربي يحفظه العيال اتمون في حضانة ام كيف تقدر اتعيش مع ريال هي ع ذمته و جي اقول عنها لاتحاتي تقدر اتحلفه عالقران اذا اتبلى عليها مب عكيفه يتبلى على الحرمة لانه ما عنده خوات خل يصلح نفسة عشان اتم عنده من اهددها و بعدين انا اعرف وحدة جي استوى فيها القاضي تفل على ريلها يوم قام يتبلى عليها لاتحاتي القانون في صف الحرمة و بتاخذ كل حقوقها نحن في بلد الخير و القانون .
المشاركة الأصلية كتبت بواسطة الفرفوشة 11
الحضانة للام و حتى في قانون وديمة هذا من سمو الشيخ محمد بن راشد ال مكتوم ربي يحفظه العيال اتمون في حضانة ام كيف تقدر اتعيش مع ريال هي ع ذمته و جي اقول عنها لاتحاتي تقدر اتحلفه عالقران اذا اتبلى عليها مب عكيفه يتبلى على الحرمة لانه ما عنده خوات خل يصلح نفسة عشان اتم عنده من اهددها و بعدين انا اعرف وحدة جي استوى فيها القاضي تفل على ريلها يوم قام يتبلى عليها لاتحاتي القانون في صف الحرمة و بتاخذ كل حقوقها نحن في بلد الخير و القانون .
اختي موضوع الطفلة وديمه مختلف لان الام مابغتهم فانتقلت الحضانة للاب
وقانون الاحوال الشخصيه من زماااااااان يقول بان الحضانة عند الام الى ان تبلغ البنت سن 13 ويمكن القاضي يمد السن الى ان تتزوج البنت اذا كان في صالحها والقاضي هو االي يقدر
ويجوز اسقاط حق حضانة الام في حال انها تزوجت او كانت غير كفؤ بتربية البنات مثلا تمشي فدرب غلط بس لازم الزوج يثبت مثلا محصلينها في مكان مشتبه وشي تقرير من الشرطه لكن مايستوي يقذف شرف الحرمه بدون اي دليل وهالشي عليه عقوبه
لاتخافين القانون معاج وانتي قبل ما تدخلين عالقاضي اساسا بيحولونج على المرشد الاجتماعي ومايطول سيري المحكمه الصبح وفي نفس الوقت بيدخلونج عليه وبتستشرينيه وهو بيقولج اذا القانون معاج وكم نسبة نجاح القضيه او بينصحج ماترفعين القضية
واذا طلاق لازم فالبدايه تجتمعون عند الاصلاح وهم بيحاولون يصلحون من بينكم واذا ماشي فايده هم الي بيحولونكم للطلاق اما ان دايركت مايصير
زوجي يعرف بهل امور لازم دليل وشهود
زين حبايبي انا بخبرها يزاكم الله خير لان فعلا حالتها صعبة بس دام انها واثقة من نفسها وهم لازم بيحلفونه ولو حلف جذب الله فوق وهو بياخذ حقها منه
الله يعينها ع الابتلاء