اتمنى من كل متزوجه تتفضل بليز تفيدني لاني مقبله على حياة جديده لتربية الطفل

_ وهذي النقطه بالذات حدهاااااااااااا مسبب لي اقوى قلق وضياع بالتفكير ليلة الدخله
مو عارفه لها حل بتصير بتصير خخخخخخخ
مثلا بالنسبه للبس قرأت انه لازم البس قميص ساتر ابيض وانا اقول لنفسي بلبس بيجامه ناعمه تبين اطرافي بس يعني رجولي ويديني اقصد حفر بدون اكمام وبرمودا لان شنو فايدة الحنى اجل حلاتي ابينها صح ولا شرايكم ؟؟ ,,,, وانا اساسا مو مقتنعه بفكرة القميص ابد حتى لو ساتر ماحبيته احس بالبيجامه بطلع انحف وكيوت واهم شئ الحنى بتبان ؛ اقرا يقولون ضروري شنو بيقول لو مالبستي قميص اصلا هو شنو دراه اول مره يتزوج
وبالنسبه لتعاملي معاه بيومها كيف ؟ قلت لك اول مره نلتقي ونسمع حتى صوت بعض وانا حدي خجوله
مو عارفه كيف اتعامل مع رجال اول مره اشوفه اخاف اتثيقل عليه اسكت يقول شفيها ثقيلة الدم ويكرهني لان يمكن ازودها اووو اخذ واعطي معه يقول عني خفيفه ماتستحي جد محتاره واللي ذابحني اكثر لووووووو قرب مني وش السواة هل اضغط على نفسي و اتركه ياخذ حقه الشرعي بنفس ليلة الدخله لان اخاف تلعني الملائكه او اتمنع ويكرهني وبيكون يوم كئيب له لان متنطر هاليوم بفارغ الصبر لان مو صغيرعمره بالثلاثينات وتعب تعب تعب على مارتب وضعه ولقى بنت الحلال اللي يعف نفسه بها ……

بعدين انتي بلاج شايله الدنيا على راسج

دع الايام تفعل ما تشاء وطب نفسا اذا حكم القضاء

البنت اللي بمكانج بوقتج تكون مستانسه مب شايله هم

بعدين بقولج من ناحية البيجامه ضحكتيني تبين تطلعين اضعف هاه ما عليه دوري بيجامه حرير على دانتيل اللون اللي يعجبك تكون فخمه

وبالنسبه لوزنك تراه عادي جدا بالعكس من فتره حاضره عرس وحده وزنها فوف ال ٩٠ تمشي ملكه وواثقه من عمرها وهذا اللي اباه منج

مع الايام ان شاءالله بتتعودي على حياتك وربج بيسهلها انتي بس لا تحاتين ووكلي امرج للحي القيوم الذي لا يموت

اذا الرسول صلى الله عليه وسلم كان ينصح شباب برويه البنت قبل ان يخطبها…لانه اذواق الناس تختلف اذا امه عجبت فيج ما ادري الناس اذوااااق يااختي مافيها عيب الريال يجووف حرمه جدام خوانها وابوها وعمامها مابيسوي شي هاي نظره شرعيه ومب رحااام حلال