سلام عليكم خواتي بغيت حل لشعر ولدي عقب الاربعين حلقنا الولد ابوه الي حلقه …المشكله طلع شعر شويه فوق وع اليمين وع يسار ع خفيف ومن ورا مول ماشي شعر كنه توه محلقينه كمل 4 شهور من حلقناه ,,بغيت اعرف اذا في طريقه عشان شعره ….كان شعره ماشاءالله ناعم والله في خاطري اشوف شعر ولدي …اتمنا اذا الي جي استوا لولدها او بنتها اتقولي شو سوت ..حد يقول بعد حلقيه بالموس وحد يقول اصبري شي عادي المشكله حتى جدام وع صوبين حتى شعر خفيف . ورا مول ماشي شعر …واحنا حلقناه شعره كله قبل والحين فوق في شعر ورا مول مافي
اختي لازيم يكون من الصوبين خفيف من بعد الحلاقة يطلع لاتخافين عادي حطيله زيت خروع انا احط حق عيالي زيت خروع
عااادي انا عيالي الين ۷ و۸ شهور الين يطلعلهم عااادي كل اليهال جي انا ولدي الين السنة بعده شعره كان خفيييف الحين كمل سنتين شوي اتحسن عادي حبوبة مكان المخدة ما يكون في شعر