وبعد
خواتي انا اليوم نزلت موضوع وايد خطير عن شغالتنا حسبي الله عليهااا
اول شي بتكلم عنها وعقب بحط صورها
هاي الشغاله من الجنسيه الفلبينيه بس من اصل اندونيسي
يت الامارات مب بهدف الشغل ,يايه بهدفالسرقه والسحر
نحن يباناها ك شغاله في البيت وكلت عندنا بس 8 شهور
من اول يوم وهي انعرفت انها مب ما شغل بس صبرنا عليها
طلعت بااارده واذا بتخم الممر بتخمه فساعتين واذا بتكوي بتكوي 6 ملابس ب 4 ساعات
من كثر برودها وبطئها,حياتها وموتها التيلفزون.
عانينا منها فايامها الاولى وهدفها مب الشغل وصبرنا وصبرنا
وبعد فتره يعني بعد شهرين اكتشفنا ان نحن يوم نطلب من المطعم او الدكان ونطرشها نستلم الاغراض
تقطع الفاتوره وتسرق باقي الفلوس..تفاهمنا وياها ولكن ماشي فايده
وبعدها اكتشفنا ان نحن يوم نطرش ملابسنا عشان تغسلهم ما تردهم وهي تنكر وتقول اردهم وفالكبت
سكتنا وسكتنا وسكتنا..وكنا نعاملها معامله واااايد زينه وتقريبا هي بس عليها الخم والغسل والتنظيف
وهاي اشغال خفييفه كنا نشتريلها ملابس و اكل وحلوياات حسبي الله عليهااا
بعد فترة تقريبا 4 او 5 شهور انصدمنا ان عندها موبايل بالدس وتتحرنا اغبيااا
صرنا كل يوم نكتشف ان عندها شي يديد ومسويه شي
مره ملابسنا مختفيه مره فلوسنا مختفيه مره اكسسواراتنا مره نعلاتنا
كنا نعرف انها تشلهم ونقوللها وتحلف
لين ما خلاص سرقت البوك الي عليه فلوسي وبطاقاتي وسالتها وانكرت ومره حطيت 350 على طاولة
الغرفه وهي نظفت وسرقتهم وانكرت
بعدها اشتغربنا انها وااااااااااااايد ترقد و24ساعه ماسكه التيلفون
ويوم عرفت انها سرقت ملابسي صرت اعاملها معامله مب اوكي يعني هزاااب
ويوم كملت 5 شهور امي صارت تجوف ان فلوسها تختفي ب الالف والالفين وال500
وامي تفكر انها مظيعتنهاا
وكانت كل يوم الساعه 7 لين 10 تطلع مع الهنود الي فالفريج
وترد وانازعها لكن مافي فايده
مره تمت تصيح تقول ان بطاقة فونها تسكرت وهناك طلعت الموبايل حقناا
وفتشت فيه حصلت تقريبا كل العمال الي كان يشتغلون عندنا ارقامهم موجوده
سكتنا وسكتنا وسكتنا
كنا ساعات نجوفها فليل متعدله وكاشخه نستغرب ونسكت
ويوم اي راعي الدكان كانت تفصخ الشيله وتسوي اغرااء
في مره امي كانت محطيه فصندوقها فغرفتها 15 الف امانه ولازم تسلمها
كانت تجيك عليهم كل فتره
وعقب فتره طلب من اخوي يجيك على الفلوس ويعطيها اياهم لانا محد فالبيت وبتي تشلهم
اخوي يقول حق امي مكان المفتاح متغير ويوم جيك ع الفلوس لقاهم 9000 مب 15 الف
امي شلت فلوس من فلوسها الثانيه وظافتهم وسلمتهم
رجعت البيت تفكر منو شلاهم
ونحن نعرف ان الشغاله الوحيده هي حراميه
وخططنا نوديها راس الخيمه مع امي ونفتش غرفتها
بس استوا ظرف حق امي وما ق درت تروح راس الخيمه فسارت مع الشغاله بيت ربيعتها
وتولينا مهمة التفتيش ,انا كنت الي اصور واختي تقرا ايات واخوي واختي الثانيين يفتشون
والله ان امي بعدها توها لفت الدوار الي جدام البيت الا تسمع اتصال من اختي تقوللها ان لقينا الفلوس
فغرفة الشغاله وكانوا 15 الف سارقتنهم من امي
ومحطيتنهم ف بوك اختي وداخلهم (عمل) ومع تفتيشاتنا الثانيه لقينا كل اغراضنا
والفااجعه يوم لقينا صورة امي بين صورهااا
وفتحنا نوتتها ولقينا كاتبه سم مي مع طلاسم
ولقينا عندها موبايل زياده غير عن الموبايل الي عندها وفتشناه وحصلنا فيه صورها
وكل مكايتنا واغراضنا سارقتنهم وسارقه ملابس امي و ذهبهاا وكيمرتهاا
استغربنا من وين الها مفتاح الغرفه مالت امي؟؟؟ ومتى تدخل؟؟؟
حصلنا كومة منالشعر ملفووف فغرفتها والشعر شعر امي
ما كملنا ساعه الا ونحن مسفرينها تمت تصيح تقول ماي فلوس
اليوم الثاني فتشنا حمامها حصلناهاا خاشه اكل وصورة امي وصورة جواز امي و ربطة من القماش
(عمل) وحصلنا لفة عليها 444 درهم وهاي كلها من سرقاتها وفواتير مال المبالغ الي طرشتهم
والبوم صورهااا
والمشكله الي حيرتنا م وين لها الاغراض ومفتاح غرفة امي؟؟
بعد تدوير طويل لقينا المفتاح فحمامهااا
وتوجهنا عند المطوع والمطوع قاللنا ان هاي وحده ساحره والي تكلمه فالفون ها سااحر يدبر خطه
وهي حاقده على امي وتب تدمرهااا و تبا تسوي عمل حق اخواني عشان تتزوجهم
والصدمه انها مطرشة صورة امي بالموبايل عند السااحر وها الي خوفنا
ومسويه عمل حق امي وراشتنه فغرفتها وقال بنلقى ربطة ملفوفه بالغرفه
ونحن اعتمادنا على الله في كل شي ومتوكلين عليه
قمنا نشغل الرقية الشرعيه وخوفي اكبر هو على امي ان يصيبها شي
حسبي الله ونعم الوكيل حسبي الله ونعم الوكيل
انصحكم تيلسون بدون شغالات لان هدفهم مب الشغل هدفهم الريااال
وهذي صورها واتمنى منكم انكم تدعون ان الله يرد كيدها فنحرهاا و يحفظ امي ويحفظنااا
تم حذف الصور لسببن
أنها تعد تشهير وهو مخالف لقوانين الدولة حتى لو كان في حق الخادمة
ونرجو عدم استخدام المدونة في التشهير لأي غرض كان واتباع الوسائل القانونية في حق الخادمة
والسبب الثاني انها صور نسائية غير مطموسة
الله يخليكم حاسبو على اعماركم واذا تفكرون تييبون شغاله اطبعوا صور هالشغاله وتاكدوو
الله حفظنا من كل شر ويحمينا يارب
حسبي الله و نعم الوكيل
كل هذاااا
حليلها امج الله حفظها
و نحن نعاملهم بالزين الله عليهم
صدق انها ساحره ,,, ان شا ءالله ما تكون واحت تسوي شي,,,والطلاسم ان ما شليتوهن بعدكم عند المطوع سيروا و شلوهن عشان يفجهن عن تكون اوردي مسويه,, والله يحبكم والله انكم كشفتوها ,,,,
و يعوضكم خير بأذن الله 
اهيء اهيء اهيء
شكلها مايريح ابد
والله يبعد عنا السحر وخرابيطه
والله شغااالات بلوووه واحد مايعرف شو يسوي
وان شاء الله الله يحفظ الوااالده من كل شر وخليها لكم يااااااااب
الله يحفظ امج ويحفطكم