ابي كل وحدة تحط نفسها فمكاني وتقول شو بتسوي.. المومة و الطفل

مسا الخير على احلى عضوات

الله يسلمكم .. الغرض من عرض موضوعي ..ان كل وحدة تقول لوكانت مكاني شو بتسوي ..

اول شي بعطيكم خلفية ..عني

انا متزوجة من 4 سنوات عندي وولد وبنت

عايشة فبيت اهل ريلي ..هني العوق . هم طيبين معاي بس هذا مايمنع المشاكل والحساسيات من فترة لاخرى

زين ..ريلي يدوام فبوظبي يومين ويتم عندنا 4 ايام طبعا فامارة ثانية ..

انا اللي ابغيه ان انتقل معاه بوظبي لان اظن 4 سنين كفاية كفاية ان عشتهم بهالوضع الغير مستقر ..

طلعلي كم مرة شغل فبوظبي بس الاخ ماوافق عساس انه هاليومين ممنوع ينام فيهم برع .. قلتله اوكي انت ماعندك تبني بيت لازم تتريا الاسكان بعد عمر طويل ..

قلتله خلاص ابا اعيش فشقة هني .. بس الاخ ماوافق اونة مانطلع من حكرة الى حكرة ..بس انا والله تعبت من هالحالللل

ابي استقر عندي يهال ابي اعيشهم على نظام معين والله ولدي من كمل سنة وتعود عالحلاوة والبيبسي من اهل ريلي ..وغير الالفاظ والحركات العبيطة

والله اني انقهر .. اظايق ساعات اتامل فولدي واقول عمري ماتوقعت اني اييب ولد جيه صاير فوضوي ولسانه هالطول وهو عمره بس 3 سنين .. الله يعين بنتي تصير شراته والله احس ان فيني اطلع عيالي احسن عيا لبس ابي الاسترار والامان ..

طولت .. في كلام وايد بخاطري كل و حدة تقول لو كانت فهالوضع ..شو بتسوي

بتصبر وتسكت لين مايذكرونا الاسكان …والله والقرض عاد مايسوي شي
او

تناضل عشان تنتقل بوظبي

او

شقة في البلاد ؟؟

بالعكس حبووبه احس حلو انه يغييب يومين وباقي الاسبوع يتم عندكم

وانا شراتج عندي اثنينه وساكنه ويا قوم عمتي ومدلعيييينهم للاخر واحس دلعهم ضيااع

بس شو اقول الحمدلله بعدني عايشه وياهم ويوم ريلي فالدوام احصل حد اسولف وياه واذا بطلع حد يمسك عيالي

صبري حبووبه ليين ما الله يفرجها عليكم وتبنون بيت العمر ان شاء الله

الله يسعدج ويوفقج حبووبه

بطلع في شقة ! ولااااازم أقنع ريلي بهالشي

انا مش معارضة انه يداوم يومين .. بس والله اكره البيت من يداوم .. وانا عايشة معاه م ولاجني عايشة مع ناس لان محد يسال عني … لازم انا اللي ااسير واقعد وياهم .. وبعدين اظن ان 4 سنوات

بس كيف اقنعة والله تعبت لساااااني تدلدل .. زعل وزعلنا .. محايل وتحايلنا .. بين السوالف ادخل هالموضزع بطريقة غير مباشرة .. يعني اذا استوى شي .. اقوله لو عايششيين بروحنا كنت بسوي جيه وبسوي جيه

بس شو اقول … مب راس عليه حصاه مليت ………

شكلكم ماتبون تحطون نفسكم مكاني … صدقكم وضعي لااحسد عليه

بس ادعولي

لا تقولين مليت يا أختي ، عليج بالدعاء