ابي طريقة عيش باللحم اللي يطبخوه فيوم العرس؟؟؟ للمطلقة

حطولي طريقته ابي اسويه بروحي

اختى هذا طلبج وان شاء الله اتعرفين اسوينه لانه سهل وايد بس انا ما اعرف الكميه الى انتى تبغينه فبكتب ابمقاديري انا

عيش ولحم مال المعاريس
الغاليه اذا تبغين اسوين حق وليمه وايعني ذبيحه لازم تقطع الذبيحه حسب رغبتج
وتنضف عدل وتفرك ابكركم وتترك على جنب يعني ساعه او ساعتين قبل الطبخ
وبعد ذالك تغسل بالماء وتفرك بالملح وبهارات مثل البزار واتوظع فى قدر فيه ماء وتغلي على النار حتى تنظج ونسيت ما اقوولج لازم ايكون فى الماء هال حب ومسمار ورق الغار اليابس واسنوت وبعد واحطي ملح فى الماء حسب رغبتج اذا اتحبين الملح وايد او اشويه … نترك الذبيحه على النار وانسوي الشياطه الى هيه عباره عن بصل واتكون كمية البصل كثيره ونخي من الصغاار ولومي يابس وبقدونس واثوم (( وزبيب)) تقومين بوظع اول شي البصل ويا الثوم وبعد ذالك النخي واللومي اليابس بتناوب والزبيب وظعي عليه ابهارات مطحونه واخر شي حطي البقدونك … عقب ماتنظه الذبيحه شيلي الذبيحه وحطيه فى صنية الفرن وشغلي عليه الفرن من فوق على شان تحمراء …. وبعدين تيبين الماء الى سويتي فيه الذبيحه وحطي فيه العيش (( الارز)) وحطي زبد او سمن فى العيش على شان ايكون دسم هذا اذا ما كانت الذبيحه سمينه ولاتخلينه ايلين العيش وايد بس خلي حبت العيش واقفه وبعدين جيلي العيش وحطي فى الجد اول طبقه عيش وحطي اويا اشويه من الشياطه وبعدين حطي طبقات العيش وحطي عليهم صبغ اصفر وبرتغالي ويا الشياطه واخر شي يبي الذبيحه وحطيه على العيش ونثري عليه قليل من الشياطه مع وبقدونس وكزبره اتكونين امقطعتنهم روحهم وحلقات الطماطم وبعد اتكونين ناقعه فى كوب او ماله زعفران وماء ورد اترشين ابهم الذبيحه والعيش من فوق وهال مطحون بعد واتغطين الجدر بال قصدير وتحظينه فى التنور او الفرن لين يسكر … وسمحيلي على الشرح ان شاء الله تفهمين شي منه مشكلتي ما اعرف افهم كتابي واذا بغيتي رقم تلفونى على شان اقوولج راسليني على الخااص وان شاء الله راح افيدج الانه فى كذا طريقه حق العيش واللحم مال المعاريش والسموحه