ابي حل ل مشكلة الغازات عند الاطفال سياحة الامارات

هلا بنات…شخباركم…وشخبار البيبيات…

بنتي عمرها شهر ونص…وتعاني من الغازات…تعبت يوميا على هالحال…طول الليل صياح وصراخ…ما ترضع…وانا تعبت منها…ما ارقد غير الصبح…طول الليل اقعد ادور فيها وامسح على ظهرها…

احس خلاص ما فيني طاقة…سهر طول الليل…انام الصبح 9 ونص وعقب اترد اتنش مرة ثانية..

استخدمت لها (بديا كول) و (انفاكول) ما في فايدة…
اسوي لها كمون مع سكر نبات..ما في فايدة…
اسوي لها شمر مع سكر نبات….ما في فايدة…
اسوي لها تمر…ما في فايدة…

شوروا علي…ما اعرف شو اسوي معاها تعبت

عطيها ينسون في المرضعة او ادهني بطنها بفكس اليهال ولحفيها زين
الله يعافيها ويشفيها يارب

أختي ترضعيها طبيعي أو صناعي؟ بعدين السكر والتمر يزيدوا الغازات والام البطن بسبب وجود السكريات اللي تتخمر وتطلق غازات أكثر.

اختي شربيها ماي غريب وانشاء الله بيخوز عنها ماتشوف شر

مشكورة اختي على الرد وعلى الدعوة….
اعطيها ينسون في الرضاعة، واسبحها ب ماي دافي وادهن بطنها بزيت زيتون دافي….تسكت وقت السبوح وعقب تشتغل ف الصياح…

مشكورة اختي على الرد…

ارضعها طبيعي…ومن الغازات ما تاخذ الصدر…تعبت نفسيا…
لانه اذا عطيتها الاعشاب بدون سكر ما راح تشربه…واعطيها التمر عشان بطنها يمشيها….

أختي , ما عليها إلا العافية إن شاء الله, وبارك الله فيج لأنج ترضعي طبيعي. شوفي أكلج لو تكالي أشياء تسبب غازات ومغص تجنبيها, مثل البصل والجرجير والملفوف والفول والبهارات الحارة والقوية, كذلك المنبهات , القهوة والشاي والمشروبات الغازية , وكذلك بعض الأدوية التي تتناولها الأم تراها تأثر على الرضيع, جربي أنت تشربي الينسون والكراوية , بدل ما تعطيه للطفلة , تراه بيروح لحليبج وبيفيدها بإذن الله , سوي لها مساج بزيت الزيتون الدافي لبطنها قبل الرضعة , وبعد ما ترضعيها كرعيها زين أو دسعيها أو جشئيها , ويوم بيكون عندها غازات كثيرة حطيها على بطنها على رجلج ودلكي لها ظهرها بهدوء .