ابي استفسر عن سالفه اتفشل وقت الولاده…..!!!!

سؤالي واااايد محرج مو بالنسبه لي بس لاني خايفه ومفتشله اذا صار لي هالشي وقت الولاده…
السالفه ومافيها اني سمعت وامي دوووم تقولي ان وقت الولاده قبل لاتربي الحرمه يعطونها دوا مسهل للبطن علشان ينظفه يعني شرات تنظيف القولون واظن بعدين تروح الحمام اكرمكم الله اكيد انتوا فاهمين قصدي بس هالشي مايصير لكل الحريم
فهل صج وقت الولاده لمن يطلع البيبي ممكن الام تسويها وتخيس المكان ؟!!!!!!!!

لازم الغاليه ينظفون لج بطنج يعطونج ابر شرجية عسب اذ كنت مآكله ينظفون البطن مجرد ما عطوها لج يقولون لج يله سيري الحمام … بس ما اعتقد يسونها ع اعمارهم

كلام مجلات و كتب

اصلا الحامل في الشهور الاخيرة يكون عندها امساك و هالشيء ما يصير بهالسهولة

لا تاكلين وايد بس تمر و حليب اشيا تقويج في الولادة

بس نادرا ما يصير الشيء هذا لا تحاتين اكيد ولادتج الاولى و تقرين وايد

ان شاء الله تربين وتشوفين ذريتج قولي امين,,

انا خواتي كلهن ربن وما صار لهن هالشي,,

لا تحاتين اختي الغاليه وشدي حيلج ^__^

عزيزتي انا مربيه 3 مرات في مستشفى الكورنيش والحمد لله،ولا مره عطوني هالدوا بس عطوني عن الزواع.
اما السالفه الثانيه فبنت عمي ممرضه وقالت عن في فتره التدريب شافت وحده سوتها في غرفه الولاده عن اثر الضغط بس الممرضات والدكاتره ما يهتمون وايد لانه يمر عليهم هالشي اكثر من مره.
والله يحفظج ويسر ولادتج.

مشكورات خواتي على ردودكم ومشاركتكم معاي وان شاءالله ولادتي تكون سهله من دون تعقيدات والله يعين كل حامل ويسهل عليها
آمين