خواتي عندي اصص صغار من دايسو قد الكوب وأصغر شوي
ابي ازرع فيه ورد بس الورد يكون متفرع وصغير
قصدي مايكون كبير بالنسبة لحجم الاصيص
هاذي الصورة مثال شوفو كيفا لورد مغطي جميع الجوانب وبنفس الوقت قصير
https://lifeonthebalcony.com/wp-conte…3/buddelia.jpg
يعني الورد صغير ومتفرع ،،
وياليت لو الورد يعيش بجونا الحار لان بحطه بالدريشة
كنت ابا حد مجرب
لان اللي بالمشاتل بحصل اشياء تهبل لكن للأسف مايعيش حتى لو هو قال يعيش بالصيف
كنت ابا حد اهنا مجرب
ويزاج الله خير
بتلاقين في اللولو هايبر ماركت او حتى الكارفور قسم العناية بالحديقة أكياس بذور صغيرة لورد
في انواع كثيرة بتحصلين مكتوب على الكيس ارتفاع النبتة بعضهم 15 او 20 او 25 او 30 او 40 او 50 او 60 و اذا تحتاج شمس او ظل
انا خذت و زرعت وبعد كم شهر ورّدوا ما شاء الله
بس طبعاً اللي يحب الشمس خلّيه برع لان نفس النوع جزء منه خليته داخل ما كبر وايد و لا ورّد لين الحين
و ما انصحج باللي ينباع في المشاتل لانه غالباً فيه امراض و حشرات ممكن ينتقل حتى لباقي النباتات اذا عندج زراعة
الانظف انج تزرعين بنفسج من البذور
وبالنسبة للسماد خذي potting soil في نوعية اورجانيك و مافيها ريحة تناسب الزراعة الداخلية والخارجية على ماذكر استخدمت شاليمار ينباع في اللولو انتاج دبي و نباتي
في نوع ثاني خذته بس طلع فيه بذور اعشاب و حشرات دقيقة
طبعاً بذور الاعشاب بتنبّت اعشاب ماتحتاجينها و تأثر على تغذية النباتات المزروعة
فاحسن نوع جربته شاليمار
انا عندي بذور بالهبل بس مشكلة لمن ازرعها نموها يكون ضعيف وتططلع صغار سواء سويت سماد او لا
بالنسبة للتربة الخاصة انا استخدم مدري اي نوع بس ما اظن شاليمار
عموما بدور شاليمار ويزاج الله خير
اذا الكوب مافيه فتحات من تحت يصرف الماي الزايد
حطي طبقة حصى صغار مغسول عادي حتى لو الصناعي مال احواض السمج ) تحت في الكوب وفوقه البوتنج سويل
لأنه لو مافي فتحات تصريف او طبقة حصى تحت بيجمع الماي الزايد في السماد و يعفن وتطلع ريحة و يموت الزرع
لكن عادي لو تجمع الماي بين الحصا مايصير عفونة
ويفضل في بداية تنبيت البذور ماتصبين الماي صب.. لا ، استخدمي سبراي لرش الماي