بغيت اطلب منكن طريقة الخبيصه السائله ماريد النثره …
بلييييييييييييييييييز اللي عندها الطريقه مظبوطه وحلوه لا تبخل علينا ..
ريلي طالبنها مني وووووو مشكله ماعرف اسويها هاي السايله ..
حد يعررررف ؟؟؟؟
حطي السكر ع النار لين يستوي سائل وحطي الزعفران والهيل وبعدين زيدي ماي حار وتمي حركي وشوي ماء ورد اذا تبغين وبعدين يبي الطحين ويكون جاهز محمرتنه شوي بس وتمي حطي طحين بس شوي شوي وتمي حركي لاتوقفين من التحريك علشان ما يتلكد وحسب كيف تبغينها سائله واايد لا تزيدي الطحين وااايد بعدين سكريها وخليها ع النار هاديه لمدت ثلث الى نص ساعه
هذي ب الطحين مب سميد
المشاركة الأصلية كتبت بواسطة مــزون 
.. المكونات ..
4 كوب طحين
3 او 2ونص كوب سكر
3 ملاعق سمن عربي
2 كوب ماي
كاس ماي ورد
شوية زعفران
شوية هيل
———————
نحط الطحين في التاوة ونقلبه على نار هادية لين ما يحمر لونه ونخليه على جنب
نحط السكر في التاوة ونقلبه على نار هادية لين ما يذوب ويحمر لونه
.=. لازم تنتبهين عن يحترق الطحين والسكر .=/.
وعقب نضيف له الماي وكاس ماي الورد والزعفران والسمن والطحين
ونخلط المكونات كلها وعقب نرش الويه بالهيل – ممكن نضيف مكسرات او زبيب
واخيرا حبيت اغير في التقديم باستخدام مضرب المعمول فظهرن على شكل وردات حلوة
.. هني وعافيـــة ..