حبيت ابشركم الحمدالله ربيت بالسلامه يوم الثلاثاء 28-12 صار لي تقريبا 10 ايام والده و الله سهل لي الولاده بس تعبت الحمدالله..
ربيت قبل موعدي ب اسبوعين تقريبا موعدي كان 9-1-2017ز ولدت في اول يوم من اسبوع 38..
دوم كانو يخوفوني انتي بجر لازم بطولين وبتعدين موعدج. بس انا تقريبا من نهاية الثامن كنت اشرب زعتر و دوم اسير امشي مال 45 دقيقه لين الساعه ويوم وصلت التاسع كل يوم تقريبا كنت امشي في الحديقه اللي عدال بيتنا .
والحمدالله ما طوفت شهري الا و انا مربيه
صح تجربه كانت ممتعه و متعبه بس سبحانه الله الحين قمت اصدق كلام الحريم يوم يقولون من يطلع البيبي تنسين الالم كله.
اصلا ماشي الم نهائيا غير الم الخياطه شووي يذكرج انج والده..
الحمدالله ولادتي كانت طبيعيه و ما خذت في الطلق غير 6 ساعات تقريبا ياني الويع الصبح كان خفييييف جدا و اتبطل الماي الساعه 12 و نص و سرت مستشفى الوصل الساعه 2 و نص وهالوقت بد الويع صددق امممم ما اروم اوصفه والله ما ابا اتذكره اصلا بس الحمدالله هلي كانو حوالي يقرون علي و الحمدالله كنت شاله وياي ماي زمزم مقراي الله سهل علي لين الساعه 6 ودوني غرفة الولاده و الساعه 8 بالضبط طلع خلااافي حبيبي بس صار فيني نزيف الله ستر و عطوني بنج كامل و ودوني العمليات و سوولي خياطه عميقه..
يلست في المستشفى مال 4 ايام لان حبيبي ولدي شوي التنفس عنده صعب و الحمدالله يوم السبت رخصوني ونورت البيت ^^ واخيرا استويت ام ..
دعيت حق الكل والله ومشكوووووورين كل اللي دعولي و الله يعطيكم العافيه..
وهاي قصة ولادتي ما بغيت اخوض في التفاصيل واايد عشان ما اخوف البجريات و كل وحده تختلف عن الثانيه..
اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين
اللهم عاملنا برحمتك
وبشر الصابريييين
اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.
ربي لا تذرني فردا وأنت خير الوارثييييييين
نفس يوم ميلادي ..^^
تستاهلين السلامه ومبروووووووووووك على النونو الله يبارك لكم فيه