ابا اسئلكم مستشفى راك الخاص عندهم ابره ظهر للولاده الطبيعية للي يطلبها؟
وله بس للقيصريه؟
بصراحة مابا اربي بصقر و اعيد تجربه ولادتي الاولى 12 ساعه الم غير محتمل خاصه اني جربت ابره الظهره بولاده التوم الحمدلله كانت رحمه من رب العالمين
الحين ابا اعرف احسن دكتوره نسائية براك الخاص؟
لو عندهم ابره ظهر للولاده الطبيعيه يعني اقدر اطلبها تنحط بملفي نفس نظام مستشفى الوصل بدبي؟
اتريا ردكم خواتي
و عن الابره وحده قالت انها طلبتها و يوم حطوها لها كانها مب حاطه شي ماخدر يعني
انا من راك يوم يأني الطلق سرت دبي بس عشان الابره و الحمد لله وايد كانت أوكي
حسبي الله عليهم يلعبون بخلق الله
مانصحج براك اغلب الي يربون قيصري
بس مرة وحده ربيعتي ربت طبيعي وكانت حاجزة في اي بي
وتقولي الدكتورة هنديه والحين طلعت من راك
انا لولا التعب الي فيني فالحمل جان سيدة سرت دبي ولا اتريا ثانيه بمستشفيات راك
والابرة اغلبهم يقولون ماصار لهم شي بس اثارها على المدى الطويل وانا افضل اتعور وااجر ولا اني اسبب لعمري بسبة راحتي فالولادة
ولا تنسي كل حمل غير عن الثاني يعني مب شرط الاول تعبج الثاني يتعبج
وربي يسهل عليج ويرزقج باحلى بيبي ولا تنسي تقرين سورة مريم والزلزلة وايد لها اثر بتسهيل الولادة ومن تجربة ومافي شي احسن من كلام الله
واسمحي لي من صوبي مابمدح هالمستشفى وان شالله حد ثاني يفيدج اكثر