ابرة الظهر في مستشفى الكورنيش تجاربكم اليديدة في 2024 او 2024 للصحة

والله أنا نفسج ابي اسمع تجارب غيري وطرحت موضوع بس محد فادني
وحدة من ربيعاتي ما تنصحني فيها تقول عقب عشر سنين بتييج الام في الظهر هاي عن تجربة حريم خوانها لدرجة انهم احينة مايقدرون يحملون من الآلام
مابي احبطج وانا بخاطري هالمرة استخدم الابرة بس نصيحة اقري عنها وابحثي لاتتسرعين لعل وعسى تستفيدين وتفيدينا

والله يسهلها يارب

والله قريت عنها وايد بس مادري اصدق منو

المشكلة اني من الحين فيا الالام في الظهر وفي ولادتي الاولى الالم كله كان في ظهري عسب جيه خايفة هالمرة

للرفع

كل اللي استخدموا ابرة الظهر ماشتكوا ابدا ً لكن اللي يشتكون منه دكتور التخدير نفسه هل هو ذو خبره كافيه ولالاء !!
يعني مستشفى الكورنيش من زمان وهم يضربون المرابي بأبر الظهر وانا قاريه انها اصلا ما تأثر ولا تسبب الشلل اطلااااااقا ً
مادري منو قص عالحريم وقال تسبب شلل !! ياعالم ياناس ماتسبب لأنها ماتضرب في الاوتار الحساسه او تضرب فالعظم عسب تسبب الشلل !!
وغير جي حبيباتي على حسب دكتور التخدير أسألن وأعرفن منو من دكاترة التخدير اللي له في هالشغله فتره طويله مب له سنه سنتين وأطلبنه بالأسم ..
وإن شاء الله بطلب ابرة الظهر لأني بجريه واخاف ويخوفوني الحريم الله يهديهن من مسألة الربى وكيف إنها تعور وتهلك وعادي الحرمه تموت اعوذ بالله !!
فعسب جي بإذن الله بطلبها ..
وانتي اختي استخيري ربج وشوفي حالج اذا انج مطمنه اطلبيها واذا لاء لاتطلبينها ..
ربج اللي يسخر لج كل شي ويسهل لج كل شي وبإذن الله بتربين بسهوله ويسر ان شاء الله ..

على أيامي وبكل صراحة بتكلم كنت نايمة بمستشفى الكورنيش والسرير الي جنبي فاضي واذا بعد ساعة كانت وحدة مربية المهم تاني يوم تعرفت عليها ومن كثر ما الدكاترة يجوا ويسألوها كيف ظهرك وسوي هالتمارين ونحنا بنسويلك كمادات ومساج لرجولك سألتها خير ان شاء الله فبصراحة صدمتني لما حكتلي انه دكتور التخدير المصري أعطاها الابرة 10 مرات وبأماكن متفرقة بالعمود الفقري يعني الحرمة كانت عم تموت من الإبر الي عم تفوت وتطلع غلط للأسف فيوم عمليتي القيصرية اجاني رئيس قسم التخدير ونصحني بإبرة وانا بصراحة اعترضت وحكيتله انه السالفة واحد اثنين فحكالي انه مش كلهم شاطرين وبصراحة كلامه طلع صح 100% وانا بحكيلك الشاطر فيهم وإيده خفيفة هو الدكتور الإجنبي بس والله نسيت اسمه لانه لما أعطاني الابرة ما حسيت بشيء أبدا غير سائل بارد والحمد الله على كل حال لاتنسي بعدين كله نصيب بس الشطارة بالي يعطيكي اياها صح وربنا يقومكم بالسلامة جميعاً
وتوتة توتة خلصت الحتوتة

حبيبتي أنا خذتها وقت الولاده هذي السنه في الكورنيش واللي عطاني أياها دكتور مصري وكان رائع ما حسيت بشي والحمد لله كانت أيده خفيفه وما عانيت من شي والحمد للله بس اهم شي اني ارتحت من آلالم الولاده