خواتي الغاليات في شهر العسل شو الأغراض المهمه اللي لازم اشلها؟؟؟ و إذا كانت المدة عشر أيام.
يعني غير الثياب, شو من الاشياء اللي توهقتن لأنكن ما شليتوهم ؟؟؟؟
عباه مسكره .. وعباه او 2 مفتوحات ..
بدلاتج .. عاد انتي تحسبين كم بتاخذين ويااج ..
كم نعال كشخه عزج الله يعني 2 او 3 ..ويفضل تشلين وياج واحد يكوون شبشب .. للشقه
كم جنز لو بتلبسيين ..
شنطه صغيره للمكياج .. وفيها العده اللي تناسبج .. وتحطين فيها مناديل ازالة المكياج ..>> لاتنسينه .
لوشناااتج بس لاتكثريين ..
شامبو ..
صابوونتج .. ( خذي من بدي شوووب .. المعطراات ) ..
عطر او 2 ..
مزيل عرق .
فوطه ..
فرشاة اسنان ومعجوون ..والخيط ..
فووط صحيه ( اليوميه )
سشوار ..
كواية بخار ( في ناس مايحتايوونها )
كم قمييص نووم 
.. وكم بجامه .. .يعني نوعي ..
والاهم من هذاا كله معقم اليديييييييييين .. تعقمي وعقمي ريلج لووول عشاان الامرااض الله يبعدها عنكم ..
هذا اللي يحضرني الحييين ..
وبرجع لج لوتذكرت ..
ربي يووفقج
اذا اتذكرت شي برجع اقولج
لانج بتحطين فيها الجوازات والتذاكر والفلوس
وحطي فيها شنطة صغيره للميكب ولاتشلين وياج ميكب ثاني ..
عباتين سكارفات
نعال مريح يناسب لون الشنطة
مافي داعي تشلين وياج ذهب سبحان الله الواحد مايأمن
دبله+2 خاتم+ساعه+سلسله
6 اقمصة نوم
3 بجايم
سيباميد
فوط صحيه
كريم مرطب للويه ، بودره مضغوطه لانها عمليه وراح تستغنين عن كريم الاساس، قلوسات ، كم لون من الجحال الملون ، بلاشر ، مسكره ضد الماي لانها اتظل فتره اطول ، قلم للحواجب…
الملابس:
خذيلج على عدد الايام والوحده الوحده المسافره اتحب اثيابها اتكون عمليه وانيقه يعني خذيلج : بناطلين جينز اسود وازرق ع الابيض والازرق الغامج بيناسبن كل الالوان وخذي الوان من البديات ولبسات بدون اكمام وسكارفات ع الوان البدل بتكونين روعه واذا بلاد بارده لاتنسين جاكيتات 2 يكفون..
الشنط والنعول:
نعال مسطح ، جوتي مريح ، نعال شبشب حق الفندق واذا بلاد بارده تحتاجين البوت ومن ناحية الشنط : الشنطه الكبيره تنفع خذي شنطه عوده وتكون متعدده الاوان عشان اتناسب بدلج كلهن..
اذا كنتي حابه تلبسين عباه خذيلج 3 عبي ساده مفتوحه و2 مسكرات والاسكارفات بيلعبن دور
(قمصان النوم والبجامات )
لازم تاخذين على عدد الايام عشان كل يوم قميص غير والبجامات كذلك
ادوات النظافه :
مكينه لنزع الشعر ، موس ، الويز ، فوط يوميه ،غسول للمنطقه، صابون ومقشر للجسم، شامبو وبلسم، كريم مرطب للجسم ، كريم مرطب لليدين والاقدام وادوات ترتيب الاظافر ، استون اذا كنتي من النوع الي يحط المناكير، قطن ، اعواد تنظيف الاذن ، مناديل ازالة المكياج ، مرطب للشفايف ، كريم مرطب للشعر …
الاكسسوار والذهب:
مانصحج اتشلين ذهب وياج ، استبدليهم بكم اكسسوار احسن مثل 3 سوع ، سلسلتين ، كم خاتم .. ولاتنسين اكسسوارات الشعر عشان تدلعين يوم اتكونين وياه…
ادوات الخياطه والاسعافات الاوليه :
ابره وخيط ودبابيس ، بندول ، لصق جروح ..
شنطة اليد :
معقم لليدين صغير ، كلينكس ، شنطة المكياج صغيره ، البندول ولصق الجروح ، حبة الويز وفوطه يوميه احتياط ..
ولاتنسييييييييييييييييييين كيمرة الفيديو والفوتو عشان ماتفوتين احلى الاوقات الي بتذكريها بعدين ..
والله يتتملج ع خير حاولت اكتبلج كل الي يخطر ببالي
واسمحيلي ولاتنسين من دواعتج لاني بكون عروس هالشهر