ابا مساعده من الذويقات لشعر جذاب

ابى اسماء عطور اخلطها ويه دهن عود تكون ريحتها قويه وتم في الشيله يومين ثلاثه ماتروح ريحتها
يزاكم الله ألف خير

اسكادا هريرا صندل الروز كلها عربيه

صندل الروز وين احصله
ومشكوره الغاليه

انا دايما اسوي هاي الطريقه بس حبيبتي انا ابي اسماء عطور اخلطها بروحي مع دهن عود شي سبشل

اي عطر فرنسي يعيبج حطي عليه قطرتين ثلاث من دهن العود وخليه فتره وشفي الريحه ..

هلا بالناس اللي تفهم بالروايح العربيه السبشل …أكيد محبات العطور ما بيقصرن وكلن وذوقه الخاص..
وبالنسبه لي أنا أحب خلطات دهن العود اللي يدخل فيها المسك والعمبر .
الصندل روز(كنت أخذه من أجمل)
وجربي لاكوست (من أجمل ) مع دهن العود المعتق تطلع خيال. وعندج مخلط فزاع (من أجمل) خلطيه مع أي دهن عود وشوفي الريحه شقا تذبح…وجربي ألف ليله وليله الدهن طبعاّ هب الرش..(من أجمل) وخلطي معاه دهن عود سيوفي وجم نقطه من العمبر الأصلي وشوفي إذا ما تمت الريحه 10 أيام وأكثر والله شي هب طبيعي هالخلطه…
وإذا حبيتي خلطة عود حلوه عندج عطر الشيخ عبدالله بن زايد من باريس غاليري بصراحه ما عليها كلام..حطي فيها دهن العود وشوفي…
وتحياتي لج

ولا تنسين تخبرينا عن العطور يوم بتاخذينهم وتجربينهم