عزيزاتي لو انا مب واثقة اني بحصل الجواب عندكن كان ما طرحت موضوعي
عرسي عقب عيد الاضحى وتوني مالجة من كم يوم
ولازم اتجهز من الحين فلوس الزهبة مع ا لفستان والذهب وكل شي
50 الف درهم
فأباكن تساعدني كيف اوزع هالفلوس عشان تكفي ومايطلع علي قصور
وبالصراحة استحي اطلب من ريلي يزيد شي
اصلن استحي اقولة ابا الشي الفلاني
ابا فزعتكن فديتكن
خذي لج ورقة وقلم وقسمي الاشياء الي تحتاجينها مثلا قسم خليه لعطور وقسم للملابس وقسم للنعول عزج الله والشنط ..وكبداية خذي لج الاساسيات من كل شي يعني من العطور خذي 3 عطور فرنسيه و3 عطور عربية و3 دخون …..الخ من كل شي ابدأي في الاساسيات وبعدين ابدي خذي على راحتج حسب حاجتج للاشياء الثانيه … الخ
حبوبه….,
انتي ادرى بالاحتياجات…اكتــبي في ورقه شو تبين…و حطي مبغ تقديري..
مثلا:
* العطور و المكياج.. 2500
*قمصان النوم+القيص الرئيسي+ملابس داخليه+البجايم..الخ…2000
*الحنه (افضل انج ما تقولين لهم انج عروس عشان لا يدبلون بالسعر و هو نفسه النقش)+الحف+حمام مغربي (و لو اني افضل انج تسوينه بروحج ف البيت)..+مكياج لليه العرس+التسريحه..5500
* المخورات+البديهات+تنانير+مغربيات+جلابيات خفيفه…نفس الشي
لا انا ولا وحده تقدر تفديجح 100% لانج انتي ادرى بحتياجاتج ^_^
و لا تكثرين في الاشياء…احسن تنوعين ولا انج تكثرين
و موفقه باذن الله
و لا تنسين صور العرس خخخ
غناتي المبلغ كافي .. وقبل كل شيء فيه موضوع هنيه فالقسم عن الأعراس
الاقتصادية صدقيني بيفيدج وايد .. سواء من ناحية الأشياء الأقل قيمة لكن حلووه
وبعدين حطي قائمة شوه تبين بالضبط وقدري قيمة لكل شيء ..
مثلاً تبين ماكيرا تعدلج بدل لا تييج للقاعة روحيلها أنتي للصالون بتكون أقل بالسعر
لا تأجرين من عند الحريم فستان عرسج لأانهن فالعادة فوق الـ 8000 بتحصلين وايد
محلات تأجر فساتين زفاف حلوه وبأسعار أقل هو إلا لساعتين ثلاث وبينفسخ حرام
تعقين مبالغ خيالية فيه ..
لا تكثرين من العبي ولا من المخاوير .. ولا تشترين أغراض أنتي مابتحتاجينهاا يعني تاخذينهاا
بغرض التجربة .. خذي الأشياء إللي بتحتاجينهاا ..
وأهم شيء تكتبين كل شيء 
أنا قلت أول بكتب كل شيء وفعلاً بديت بالكتابة عقب قمت أخبص
وحاسه نفسي ملخبطة ..
والله يتمم عليج وعلينا يارب ع خير
هذا الموضوع
وفستان اجار مابتحصلين اقل عن 10000 الاف
والحين كل مخوره على 380 من غير خياطه والمغربيات الرنده الخفيف على 400
والثقيل 800 وفوق
ان كنتي تكلمينه قوليله ولاتستحين قوليله الفستان والصالون عليكم وعلى الاقل الذهب والحتاحيت عليج
اسمحيلي يعني كم بتقصدين في هالوطر اللي كل عباه 500 وفوق
ومكياج العروس ماشي اقل عن 7000
كوني واقعيه وكلميه …
والله يوفقج ^^