ماعليكن امر انا محتاجه مساعده فيدوني بليز
انا عروس و باجي على عرسي شهر تقريبا و بسكن في بيت اهل ريلي في غرفة وحمامها تكرمون
و حابه اخذ غساله صغيره تنحط في الحمام وانتو بكرامه عشان اقدر اغسل فيها ملابسي وملابس ريلي بس ابغي الغساله اللي تسوي كل شي بروحها يعني بس عليه احط فيها الصابون والملابس وهي تسوي كل شي و عقبها بس ايخلصن احطهن على الحبل بليز اللي تعرف من وين اخذ واي نوع احسن واللي مجربتنها بعد تخبرني عنها اكثر بكون شاكره لها و بعد بغيت كوايه مع الطاوله مالتها بس تكون بعد بحجم وسط مب كبيره وعمليه يعني اقدر اسكرها واخشها مكان لان مثل ما قلتلكم بس بيكون عندي غرفه واحب تكون مرتبه و اسوي شغلي فيها ابا شي عملي وبنفس الوقت شكله حلو
بليز ضرووووووووووووووووووري