ابا طريقة الهريس طبخ الامارات

تعرفون رمضان ع الابواب

من بتعلمني بالمقاديرة الدقيقه كيف اسوي الهريس ؟ وكم مقدار الماء بالضبط كم فترة اللي تنقعون فيه حب الهريس ؟ و اللحم بعظم و الا من دون عظم و شو حجمه يوم تطبخونه ؟

وهل في اجهزة تستخدمونها لهرس الهريس و الا تستخدمون المضراب العادي ؟

انا الحمدلله شاطره بالطبخ لكن هذا الشي الوحيد اللي ماضبطته للحين
ولي في شرح بالصور بكون شاكره لكم

تقريباً كوبين هريس تنقعينهم من الليل كل ما كانت مدة النقع اكثر كل ما كان احسن

تصبين ماي في جدر الهريس تترسينه و تحطين اللحم او الدياي اذا بدون عظام احسن .. و تخلينه يطبخ و شيلي الزفره اللي فوق لين نضا اللحم حطي الهريس و خليه يطبخ ترى بيطول في الطباخ لازم تسوينه من وهل .. خليه يطبخ لين يتفتفت اللحم كل شوي حركيه علشان ما يحترق لين لين اللحم قصري على الفرن و حطي الحديده اللي تنحط تحت الجدر و حطي الملح و كل شوي حركيه ..

لين حسيتي اللحم كلش تفتفت نزليه من الفرن و اضربيه و بعدين حطيه في صحون و حطي على ويهه الدهن الخالدي و اكليه بالصحه و العافيه ..

هاذي طريقتنا في قطر

ناتي با القدر ونضربة با المظرا ب الخشب او الدريل الكهربائي جيدا حتى يختلط مع اضافة الماء اذا احتاج ويقدم مدهونا با السمن البلدي

ماقصرتوا والله

لكن من وين اقدر احصل المضرب الكهربائي ؟