حد مايعرف شو العارارووت بس في منكم اكيد عرف ابا طريقه عمل الكستر الساخن الي ينشرب بزعفران مال اول الي عندها الطريقة لاتبخل علينا ولها الدعاء.
اترياكم عزيزاتي.
انا بخبرج كيف يسونه
المطلوب:
1/ علبة كاستر
2/ حليب ابو قوس سائل
3/ ماء
4/ سكر
5/ زعفران
الطريقة :
اول شي تحظرين الجدر ( القدر) اتحطين فيه جيك ماء + ( 3 ) فنيال سكر + قوطي (1) حليب ابوقوس السائل + ملعقتين كبار ( مال الصالونه) من الكاستر + رشة زعفران و تحركينة لين يذوب …….
ملاحظه : ( هذا كله اسوينه قبل ما لتحطينة على النار )
بعدين حطي على النار و تمي اتحركينه لين يجانس مع بعض كأنج اسوين عصيدة
اذا تبينها بارده حطيها في ملال و خليها في الثلاجة
و اذا تبينها حاره حطيها في دلة أو حراره( الطبقة )
و بالعافية عليكم
اتمنى اني وصلت المعلومه
تقريبا ماي يكفي الدلة المتوسطة ( يمكن ليتر أو أقل شوي ) + 5 ملاعق نيدو
فنجان سكر + 2 ملعقة كستر مذوبة في شوية ماي
خلطيهم أول وعقب حطيهم على النار حتى يثخن الخليط قليلا
وصبيه في الدلة ( الدلة حطي فيها مكسرات وناريل )
وبالعافية