ابا رايكم بصراحه في ظلم الرجل لقصص واقعيه عايشتها وسمعت عنها لتربية طفلك

خواتي انا ساعات اقراء مواضيع هني عن الزوجه الثانيه وتعدد الزوجات وكنت ما اعلق بس بغيت اقولكم شو مضامين هالقصص

مثلا انا اعرف وحده وقفت ويا ريلها يوم كان ما عنده وساندته وسكنت بغرفه وحده مع ثلاث عيال واشتغلت عشان اتساعده وما كنت تطلب منه عاساس ما تضغط عليه واول ما ربنا عطاه بدال ما يعوضها هي وعيالها جازاها بزوجه ثانيه وصرف عليها مبالغ المفروض يصرفها علي حرمته الاولي اللي بعدها تاعني من الديون والفقر بسبته هو هل هالشي يرضي الله (اصلا الزواج مقدره ماليه وعدل مب زواج علي مزاج الرجل اللي يبا يعدد بس ويكون كل وحده شكل بغض النظر ظرف واحتياجات عياله )

ووحده مافيها ولا عيب ولا قصرت بحق ريلها من لبس واهتمام وطبخ وتربيه العيال واخر شي سار اتزوج ليش؟لانه يبا يغير اشوي وشو النتيجه؟تفككة الاسرة وضاعوا الياهال في النص بين الريال وحريمه ؟هل هذا يرضي ربنا )وهل ربنا حلل التعدد لهذا الغرض حاشاه ربي )يا ريت يفهمون الايات عدل لان يوم الحساب كلا بياخد حقه

وكم قصه لياهل حرمته ابوه ذبحته او سمته او ضربته لانها ما تبا الحرمه الاولي وتباه يطلق رغم صبر الاولي عالتعدد او صبر الثانيه عالتعدد وهنا يضيعوا اليهاااااااااااااااااااااال هل هذا يرضي ربنا؟حاشاه يظلم احد بشي يحلله افهمو الايات عدل وعددوا بس طبقوا ولا تيميلوا كل الميل بتظلمون اليهال والزوجه سواء الاولي او الثانيه

وكم قصه الريال عقب ما يتزوج الثانيه الحرمتين يتضربن وياه وما يحصل مكان يرقد فيه ويتم ساكن بروحه من الزنه والحنه وطلقني او طلق الثانيه او الاولي "وينحرمون اليهال من شوفة ابوهم اللي كل همه يصير عمره ولا يسال عنهم "هل هذا يرضي ربنا؟حاشاه "خافوا الله اللي ابتلوا بالزوجه الثانيه او الاولي ولا تظلمو اليهال وياكم واصبروا

وكم كم كم لو قلت يبالي مليون صفحه "
بس شو رايكم في بعض الحريم مظلومات وفي ظالمات بس دائما الاغلبيه مظلومات لانها لو كانت ظالمه ماراح يقدر يتزوج عليها وبتكون ماخده كل حقها اما المظلومه هي اللي ترضي بظرفه واخر شي يصدمها وربي يقويها ترا هالخبر ابتلا من ربنا لان عمركم ما بتحصون وحده يمر عليها عادي يستحيل

والله اعرف حريم كاتمين هالغيظ من 30 سنه وصابرين وما يعلم بما في قلب الحرمه الا ربنا "

واخيراااا
هالزمن صارت الفتن اكثر ولو تقولون خل يسترون علي اللي ما تزوجن ترا اللي ما تزوجت ياها نصيبها ورفضت لانها تبا جاه ومال او شكل ويوم ما اتحصل اتقول باخد متزوج شو اسوي؟ (طبعا اعرف قصص واقعيه عن هالاشكال )ما فكرت في الاسره اللي بتدمر من ورا عنادها هذا ونصيباه راح يكون بتدمير اسره ثانيه او يمكن الزوجه الاولي تتقبل الوضع الله اعلم "
وفي منهن وحليلها ما ياها نصيب وتبا بس الستر ومنو ما تقدم لها ترضي فيه "طبعا هاي انا ما قصدها ابدااا وربي يوفقها بولد الحلال "

خواتي لو تطالعون مسلسلات عادي مع رييايلكم واغاني وفيديوهات اقولكم غلط لان هالشي يخلي الريال لو ما يبا يقارن بينج وبين غيرج بيقارن وبسير يدور برا ويكون علاقات وبيكون خراب بيتج بمعصيه ربنا لانج فتحت هالاشياء في بيتج
حاولي اتغرين من حياتج الدينيه وودري المسلسلات والافلام والاغاني وشوفي الفرق واتجهي صوب العباده واهتمي بعمرج