اااااه يا قلبي .. المومة و الطفل

اول شي احب اكتب كلمتين لاغلى الناس على قلبي

( حبك ماله حدود ..و غلاك ماله قياس سكنت قلبي و روحي ….ما تمنيت انسان كثر ما تمنيتك …

حياتي بدونك ما بيكون لها طعم …بعيش بدونك بدون روح …لانه روحي معاك ..حبيتك و احبك و بتم

احبك طوول حياتي ..محد يسوى ظفرط عندي في هالدنيا …بس للاسف بعتني و برخيص ..و مع

ذلك احبك و بتم احبك …الله يهنيك و يسعدك ..احبك و اتمنى لك السعاده )

السلام عليكم ..

خواتي ادعولي الله يخفف همي ..احس قلبي بيطلع من مكانه …مشكلتي مثل مشكله معظم المتزوجات

عانيت منها 5 سنين و انا صابره على امل هالانسان في يوم يحس و يرجع لي بس للاسف ..

زوجي يحبني ما انكر مب مقصر علي في شي..مصروفي راتب موظفه ..من ارتبطت فيه و انا ساكنه

في بيت بروحي ..يطلعني ..يسفرني …جريب مني وايد يعاملني كصديقته و حبيبته و زوجته ..

بس للاسف الزين ما يكمل ..خاين وجذاب ….

من قبل لا ياخذني و هو عايش هالعلاقات العاطفيه ..و اكتشفت هالشي بعد الزواج …من اول يوم زواج

و هو يخوني مب قادر يتخلى عن علاقاته ….و المشكله من بين اللي يكلمهمن وحده متزوجه و عندها

عيال تعبت تعبت تعبت ..كل شي سويته له ..الحمدلله دارسه و تمتلعمه وانيقه و اهتم في نفسي

كل شي سويته عشان بس يتغير ما في فايده

اول مره اكتشتفه ربيعته المتزوجه متصله فيه و انا معاه و كنا في شهر العسل ..سمعت صوتها ..سكتت

و سويت عمري ما سمعت شي …و يوم تمت المواجهه جذب عليا و طلعني شكاكه ..و قال هاذي

بيني و بينها شغل و اذا قلتلج ما بتتفهمين ..طنشت و مشيت الموضوع عادي ..و يبت منه اول بيبي

ريلي وايد عصبي وايد يسبني و ايد يهيني و ايد يغلط على اهلي …اذا عصب وايد يدعي عليا بالموت

و يلعن الساعه اللي خذني فيها بس انا عطيه عذره لانه وايد عصبي و عقب ما يعدى يراضيني

بعدها بفتره و انا حامل بالبيبي الثاني ..تمادى ..اشتراله لاب توب بروحه و منعني استخدمه

يدخل الشات و المسنجر و يرقم البنات و يحاول يرجع لعلاقاته السابقه و يحاول يواعد

اكتشفت وايد اشيا و انا يالسه في بيتي السوالف تييني لين عندي ..استوت سالفه كبيره بينا …ووصلتها

للطلاق …طبعا محد يدري بهذا كله لا من اهله و لا من اهلي ….وصلتها للطلاق كتخويف له مب جاده

طبعا تعب نفسيا ..وايد .هو مشى معاي بس عقب تراضينا و رجع لي ريلي اللاب توب عقه ..ووكل

شي تركه و شل القفل عن موبايلته تم سنه نص ما شي احسن عنه واضح وضوح الشمس

بس للاسف للاسف رجع …اكتشفت موبايل سري بالصدفه في سيارته ما كنت سايره انبش كنت سايره اد

ادور قلم و جفت الموبايل انصدمت …و غير اللي ضايفنهم على لستت البلاك بيري …

طبعا هو وايد حذر انه ما ينكشف بس للاسف تصرفاته كشفته يواجعني بدون سبب يفتن عليا

يتضايق يوم اتصل و غيره و غيره ..و صلت حدي خلاص ما قدرت اتحمل انفجرت ….

قلتله بعد اسبوعين برجع بيت اهلي يوم بتطلع بنتي اجازه ….احتاج راحه من قلتله هالكلمتين قالي

ما اباج و بطلقج العيال ما بيربطوني ما اباج .ردي الحين ….

قلتله انا من عرفتك و انت تخوني ليومك هذا عندك بديل لي عشان جي ما اهمك ..قالي طز فيج

ووايد كلام ما ينقال ..اتصل في امي و قال ما يباني وطلب مني اكلم عمي بخصوص موضوع الطلاق

كنت متامله يحس شوي .يفتكر فيني …يقول لا اباج و ما بفضل غيرج عليج بس للاسف

باعني ..

الحين يالسه اتريا ورقه طلاقي ..للاسف …

و حسبي الله و نعم الوكيل ..

الله يعينج الغاليهـ

ويمكن فهالموضوع خيره لج..

وعسى ان تكرهو شيئا وهو خير لكم

استغفري بنية تيسير الامور .. وادعي ربج يكون الموضوع فيه خير لج ان شاء الله

وربي يعوضج .. ~

يالله.. قلبي وايد عورني..
الله يفرج همج ويبعد عنج الضيج غناتي..

(( ريلي وايد عصبي وايد يسبني و ايد يهيني و ايد يغلط على اهلي …اذا عصب وايد يدعي عليا بالموت ))

اختي قريت هالسطر وواااايد قلبي عورني .. حرام عليهم هالرياييل مستانسين بالحرام!!!

اختي شي صعب انتي الي تمرين فيه بس شو فايدة الريال يوم ما فيه خير لج ولعيالج و لهلج؟؟؟!!!!!!!!!!!

بس الغلط منج سكتي 5 سنين وصبرتي بس شو استفدتي؟ صح ريلج وعشرة عمر بس هو ماصان العشره الي بينكم .. استخيري احسلج و ادعي الله يحنن قلبه ويهديه ..

الله يفرحج ويفرج عليج يارب

خلج قوية ما يهمج
لا تتسمعين لكلام الناس
شوفي وين راحتج وخخطيلها
ان كنتي ترومين تصبرين على وضعج السابق ردي
وان ما كنتي قادرة لا تعذبين عمرج وابعدي وعيشي حياتج
واهتمي في عيالج وابدا لا تطرين ابوهم بشي مب زين
خلج ايجابية والحياة حلوة

احرقي قلبه و قوليله لو سمحت تعال شيل عيالك
لاني بعد طلاقي ابا اعرس
و شوفي شو بيستوي فيه