إنتي يالعروس ياللي اشتريتي ذهب و ماركات الميك آب و العطور و البجايم تعالي هنيه بسررعه جمال و اناقة

السلام عليكم و رحمة الله و بركاته

حيا الله العرايس الحلوات اللي ياسات يتزهبن

أول شي حبيت أقول لكن إن باقة العرس عليي.. تفضلن

طبعا أكيد اشتريتوا كل اللي تبونه من ذهب و ألماس و فضة و اكسسوار

———

أكيد طبعا اشتريتي ميك آب بماركاته العالمية و بعدج ما خلصتي بعد

—-

اكيد ما خليتي شي ما شريتيه و أكيد عندج فوق 10 شنط زهاب

لكن مب جنج نسيتي شي ؟

في شي ما خذتيه للحين؟

في اشيا مهمة نسيتيها ؟

لا تنسين وراج شهر عسل ؟؟!! نسيتي تاخذين اشيا حق شهر العسل و لا خذتي ؟؟

بصراحة ربيعتي كان عرسها قبل 3 شهور و كنت حاطة ف بالي إنها اشترت هالسوالف كلها
و ليلة عرسها كنت أرمسها عن السوالف الضرورية .. جان تنصدم و قالت شدراني إني لازم اخذ هالسوالف
قلت لها هيه صح ممكن بنات يعتبرونها مب لازم بس عندي أنا لااااااااااااازم

عسب جيه حبيت أنزل هالموضوع و تستفيدون إن شاء الله ^_^

أكيد تبون تعرفون شو الأشيا اللي نسيتوا تاخذونها ؟!! صح

هي اشيا تاخذونها من من من ……………

الصيدلية و الجمعيات ^-^

يلا هاتي ورقة و قلم و اكتبي

أولا: معقم المنطقة الحساسة

سواء تشترينه من جمعية أو من صيدلية و أنا أفضل الطبي أحسن اللي يكون من الصيدلية

لأن في بداية فترة الزواج تصيب المنطقة بعض الالتهابات و ما إلى ذلك فأحسن تحتاطين من البداية
و حتى لو ما صار التهاب أكيد ترومين تستخدمينه دوم لأنه هو معقم و مطهر للمنطقة
و لا تنسين أهم شي النظافة
و مب بس المعرسات يستخدمن هالسوالف .. عادي استخدميه من الحين ما يضر أبد

أنا استخدم معقم بيتادين بس دورت صورته و ما لقيته

و طبعا يا بنات ترى الغسول ما يستخدمونه ع طول

لازم تخلطين مقدار الغطا مع كمية كوبين ماي دافي و بعدين تمسحين به المنطقة و تغسلينها

ثانيا: كير فري

هذا لازم تاخذين لج منه كمية لأنه بيكون للإستخدام اليومي
و أحسن شي إنج تاخذين الكير فري المكتوب عليه فرش بعلامة خضرا
نفس اللي بالصورة هذي بالضبط

و رخيييييص يسعر يمكن ما يطوف ال 18 درهم

طبعا شو فايدته ؟

أولا بيحافظ لج عالمنطقة جافه و بعدين هو بريثآبل يعني يسمح للمنطقة بالتنفس
ثانيا لو خذتي الكير فري بو العلامة الخضر الفرش بيخلي ريحة المنطقة ورد ورد
ريحة انتعاااااااااش حتى من تفصخين ال…… ع طول بتفوح ريحة الورد المنعشة
ثالثا لو صارت لج اي فرازات ع طول بيشلها شرات الأولويز

—

ثالثا: مناديل كير فري

عجييييييييبه بعد الاستحمام مسحة بسيطة من برا و تخلي الريحة حلوة ^_^

——

رابعا: قطن قطن قطن

هذا مهم وايد بتحتاجينه أكيد سواء في تعقيم المنطقة الحساسة و غيره

——–

خامسا : شلي صيدليتج وياج

لا تنسين إنج سايرة شهر عسل و حطيتي في الشنطة وايد سامان

و ارتبشتي و ارتبكتي و توترتي شو أودي بعد شو أحط شو أشل

و في الطيارة آآآه راسي مصدع .. شو بتحتاجين حزتها ؟؟

بندول

لصق جرح

تـــــــــــــــــــــــأبع

خلونا نكمل السوالف الباجية اللي لازم تشلينها وياج ^-^

تايد

هيه نعم تايد .. ترومين تاخذين قلم تايد العجيب .. لطوارئ شهر العسل

سبحان الله يمكن تخيستي بمطعم و لا انجب عليج شي لازم اتمين بمظهر حلو جدام ريلج ^_^

حلاوة ميم أو مكينة براون

تخيلي بدا يطلع لج الشعر في جسمج

و ترى اكثر ما يلاحظ الريال بشهر العسل هع هع

فكوني مستعدة إنج تبطلين كل شي أول بأول

أولويز

طبعا مافي داعي أقولكم ليش لازم تاخذون هذا لأن أكيد هذا من أول المتطلبات و الاحتياطات ^-^

——–

مقص اظافر و مبرد

في حالة طولتوا و طولت اظافركم وياكم ترتبينهم بشكل حلو و تقصينهم لج و لريلج

و أكيد 100% بتعيبين ريلج بطريقة تفكيرج لو شافج يايبه وياج مقص الاظافر

—-

لا تنسون خذوا وياكن فوط زيادة و أهم شي ملابس داخلية زيادة

هاللي يا ف بالي لحد الحين و إن شالله لو في شي ثاني برد بخبركن ^-^

و ألف مبروك حبيباتي

ملاحظة: كتبت الموضوع للإفادة إن شاء الله
و اللي بتستفيد مني و بتاخذ شي من الاشيا اللي ذكرتها
لا تنسى تدعي لي بالخير إن الله يوفقني و حقق لي مرادي

و يا مرحبا الساع

تسلمين حبوووبه عالموضوووع وانا الصراحه اول وحده استفدت بما ان عرسي عقب 3 شهور ان شاءالله ..

موضوع مميز

تسلمين الغاليه ما قصرتي
والله يوفقج في كل خطوه
ويحقق مرادج

ما شاء الله عليكي حبيبتي
الموضوع جدا مفيد
يعطيكي الف الف عافية
الله يتمم لكل العرايس على خير