إلي طلبو مني طريقة السيناموووون لعيونكم وبالصور بعد المطبخ الاماراتي

السلام عليكم خواتيه

نزلت صور السنامون إلي امسوتنه في هالموضوع أغلب البنات طلبو الطريقه وهذه الموضوع السابق

https://forum.uaewomen.net/showthread.php?t=488968

ولعيونكم نزلت الطريقه بالخطوات المصوره

أول شي المقادير

مقادير العجينه:

2كأس طحين رقم واحد
1كأس ماء دافئ
نصف كأس حليب نيدو (بودره مش حليب ممزوج بالماء)
أقل عن النص بشوي كأس زيت
ملعقة أكل خميره فوريه
ملعقة أكل بيكج باودر
رشت ملح
و3 ملاعق أكل سكر

الحشوه:

قرفه
زبده مذابه
سكر اسمر
كاكاو بودره

مقادير الصوص الأبيض:

9حبات جبن كيري وإذا تبغين اتزيدين علي كيفج
علبة حليب مركز نستلة محلي ومكثف

مقادير الصوص البني الكرميل أو التوفي

نصف كأس سكر خشن
1قشطه

الطريقه:

1- نخلط جيدا الخميره والحليب والسكر والماء مع بعض ثم نضيف الزيت ونستمر بالخلط

[IMG][/IMG]

نخلط الطحين والملح والبيكنج باودر مع بعض ثم انضيفهم دفعه وحده للخليط الحليب ونخلط العجينه زين وكل مازدتي فالعجن كل ماستوت العجينه أحسن

ملاحظه : ترا هالعجينه تلزق في الأيد يعني ماتتكور

[IMG][/IMG]

انغطي العجينه وانخليها تتخمر مدة ساعه وهاي بعد التخمير شوفو حجمها كيف اتضاعف
بعد مااتخمرت نرش أشوي طحين علي العجينه ونعجن ونقسمها قسمين

[IMG][/IMG]

ونجهز المكان إلي بنمد فيه العجينه ونرش المكان بالطحين أنا حطيت كيس السفره علي أرضيت مكتبت المطبخ ورشيت فوق السفره الطحين

[IMG][/IMG]

انحط نص العجينه ونمدها

[IMG][/IMG]

شكل العجينه بعد ما مديتها

[IMG][/IMG]

ندهن العجينه بالزبده المذابه

[IMG][/IMG]

نرش فوق العجينه القرفه والسكر وإذا اتحبين الكاكاو البودره بعد رشي

[IMG][/IMG]

انييب طرف العجينه ونلف علي شكل اسطوانه

[IMG][/IMG]

انقسم العجينه أقسام متساويه

[IMG][/IMG]

انجهز بايركس ندهنه بشويت زيت ونرشه ابطحين عسب العجينه ماتلزق ونصف السناموون ونغطيه لمدة 10 أو 15 دقيقه بتحسون أن العجينه اتخمرت ازياده والسنابون اتضاعف حجمه

[IMG][/IMG]