إلى الأمهات الصريحات للسياحة

مرحبا حبيباتي….عندي سؤوال للمناقشة لكل ام عندها أكثر من ولد (الله يحفظهم) في يوم حسيتي إنج اتميلين لولد أكثر من الثاني…وإذا نعم كيف تتصرفين عشان ما اتحسسين الولد الثاني بشي

انا أحب عيالي كلهم ….

وما أميل لأحد إلا لسبب …

يكون متعور / مريض / ضاربتنه / طفران وكاسر خاطري / ما يلعبون وياه العيال

بس الكل يقول لي تميلين حق العود … تدرون ليش السبب

لأنه مسكين كل تجارب التربية عليه ؟؟ فأحس شخصيته مب أوكيه بسببي أنا

الله المستعان

الله يحفظهم ..والله ابو العيال يميل للولد الصغير والأكبر حساس ويقولي ليش ابوي مايحبني…وما أعرف كيف اتصرف ..كلمت ابوهم أكثر من مرة وهو يحاول لكن ساعات تتطلع منه تصرفات مايحس فيها ..مثلا مرة الصغير ضرب الكبير فصاح الكبير وقال الأبو اوه يضربك البطل وانت اتصيح ليش انت مو ريال …هذا موقف من الموافق…..

اممممممممممم اتبين الصراحه
سبحان الله يقولج هذا الشعور غصبن عن الانسان
ويسمونه الميل القلبي حتى لو حاولتى تبينين العكس
عندي بنوته بجري
وولدي اربع سنوات هذا غير احسه روووحى والهوا اللي اتنفسه
اذا تعور واذا مرض تلقينى متخبله مااعرف حتى الباجين اخاف عليهم
واحاتيهم بس ها الولد ماادري مااخذ الغلا كله غصبن عنى
احاول انى ماابين ها الشي جدام ريلي واهليه بس الكل ملاحظ
بالنسبه لبوهم بنته نقطه ضعفه لانى ماعندي غيرهاا
والاثنينه الصغاار حليلهم ضاايعين بينااا خخخخخ

الله يحفظهم لج

عادي يحصل فديتج مثلي انا اميل للصغيره وحتى لو غلطت عادي عندي تلقيني اكلمها بهداوها اما العود اتم اصيح في ويهه وانازع ومعصبه احاول دوم اكلمه بهداوه بس ماعرف والله خارج ايرادتي ويغمضني دوم واقعد معاه خلوه يعني روحنا واعوضه واضحك والعب واناقز وكل شي قلبي يكون عليه ومن اشوفه مستانس ارتاح انا احبهم كلهم ومو مقصره من ناحيه الاهتمام والقعده والدلع معاهم وماقد حسيت اني باميل لاحد منهم اكثر من الثاني بس اللي حولي لاحظو هالشي وريلي يقول انتي تحبين الصغيره اكثر واغتاظ عليهم واحاول قد ماكثر اني ماميز بينهم ابد مثلا واذا حد منهم في حظني احب الثاني اذا اكلتهم مع بعض مره ها ومره ها ولبسهم مع بعبض لدرجه اخذلهم تقريبا نفس المديلات ولالوان والعاب مع بعض لدرجه اتعودوو يوم اتشرالهم ماينسون بعض….بس لازم ماتفرقووون ابد لانه ها ياثر في شخصيتهم ويغارون من بعض