إستفسار عن كريم التقشير حد جربه حل المشكلة

السلام عليكم بنوتات بغيت أستفسر عن كريم التقشير إسمه Retin-A حد جربه و كيف إستخدامه و كم مره ينحط في الويه بشكل يومي و إلا إللي جرب يخبرنا بليز… يزاكم الله خير

في ناس نفعه وفي لا سببلهم حفر

لازم استشارة دكتورة الغالية

هذا كريم طبي علاجي وقوي وايد ما يستوي تستخدمينه روحج بدون وصفه طبيه وشي منه كذا تركيز
استشيري دكتوره احسن ولا تلعبين بويهج بهالنوع من العلاجات لان الخراب اللي ممكن تسببه ما بترقع

بالتوفيق ان شاء الله

يزاكم الله خير على الردود

يالغالية هذا مستحيل تستخدمييينه برووحه لان تقشيره قووي
افضل انج تستشيريييين دكتورة
انا استخدم ( ريتن A (تقشير) – كريم الدوكين 4% (تفتيح) – كريم اليكوم(حساسية))
طبعا كل كريم له ميزة يعني التقشير ما ينفع بروحه
لازم تخلطيينه مع كريم للحساسية عسب ما يهيج البشرة و تخلطينه مع كريم التفتيح البسيط
هاي الخلطة معروفة سوي عنها سيرج بتلقين مميزاتها و عيوبها في حالة الاستخدام الخاطىء

انتبهي لنقطة مهمة يوم تستخدمينه تخلطين كمية صغيرونه بايدج و تحطينه ع ويهج مب تحطينهم ف علبة و خلاص ما ينفع لانه يتأكسد مع العلبة

-انتبهي لازم ما تظهرين ف الشمس ابدا الا للضرورة و تحطين واقي شمس عسب تحصلين نتايييج رهيبة
-و لازم يكون عندج غسول ينفع بشرتج