أي سؤال عن الأدوية أنا جاهزة لمائدة رمضان

هلا فيكن حبايبي الي عندها أي إستفسار عن الأدوية أنا حاضرة أجاوبها بس تكتبلي إسم الواء صح والملجرام و فالكن طيب…متخصصة أدوية]

انا ساتعمل مسيل دم ( وورفرين ) على طول

اتمنى تقولين لي اي اكثر نوع من الادوية يؤثر على تاثيره سواء يخففه او يزيده بشكل خطر

لاني وايد احاتي هالموضوع واخاف منه وجزاج الله خير حبوبه

ماتقصرين والله .. موضوع واايد حلووو

برب ^-^

حببتي أول الشئ لازم تاخذين الدواء يوميا في نفس الموعد كل يوم ( يعني أذا خذتيه الساعه 5 مساء اليوم لازم كل يوم تاخذينة في نفس الموعد) و طبعا لازم تاخذين الدواء على معدة خالية.
ثاني شئ .. أنا ما أقدر أكتب لج أسامي الأدوية إلي تؤثر على الوارفريين لأن فيه تفرعات واايدة و أسامي علمية ما بتفهمينها و الأسامي المتداولة بين الناس و المستشفيات هي أسامي فرعية يعني ممكن يتغير بعد فترة.. علشان جي أطلب منج أذا كنت تاخذيين أي دواء ثاني معاه و تبين تعرفين إذا يؤثر فيه بس أكتبيلي إسم الدواء و إنشاء الله أرد علييج.. و السمووحة و ألف عاافية

يا عيووني كريم أملا عبارة عن مخدر موضعي.. يعني إنتي في شو تبين تستخدميينة بالضبط علشاان أقلج زين وله موب زين…و على فكرة ممكن يستخدم للأماكن الحساسة لإزالة الشعر و ذلك بوضعه لمدة نصف ساعه ثم إزالة الشعر من المنطقة الغير مرغوب فيها…لكن أذا رأيت إحمرار الجلد أو هيجان قوي للجلد أو حكة قوية فلا أنصح بإستخدامة. و السمووحة و إنشاء اللة أكون أفدتج في شئ.

بغيت اسألج عن فاتح الشهيه اسمه موسجور mosegor

يقولون ها احسن فاتح للشهيه والصيدلاني قال لي مالها اضرار هالحبوب

شو رايج لها اضرار ولا ؟ يعني اذا ودّرت هالحبوب بحس بشي ولا ؟

وبغيت اسألج عن الحبوب المنومه شو اضرارها ؟؟

^-^

يزااج الله خير عالموضوووع المفيد…

الغاليه انا استخدم كورتيزون بريدزينول 10 ملي جرام كل يووم الصبح…

وانا حامل فالشهر السادس واخذه من بدايه الحمل عشان الروماتيزم فحاابه اسال هل هالدواا ياثر عالجنين"الله يحفضه من كل شر"

ويزااج الله خير..