أهل ريلي .. بالذات حمياتي .. ظلمتهم :( عالم الامومة

هلا بنات

شخباركم و شخبار رمضان معاكم…

خواتي

من فترة طويله و انا احس انه في هم و شي ثجيل على قلبي
من شهر 6 و انا احس عمري ماقدر اتحمل .. خلاص بنفجر

خواتي .. انا ظلمت اهل ريلي وايد

خاصه حمياتي

ماعرف كيف ابدا و شو اقول

بس قبل لا ابدا .. بقولكم شي ( انا من ملجت لين عرست و لين يومكم هذا .. ريلي منعني من اهله منعني اتقرب منهم او اقعد معاهم .. حتى يوم اول مرة زرتهم في بيتهم ..عقب العرس بيوم.. ريلي دخلني الميلس و قفل علي الباب بس عشان ماقعد معاهم.. و شرحت له نقطه مهمه عندي .. انه مايدخلني ابدا بالعلاقه اللي بينه و بين اهله .. اهله اولا .. عقب انا .. و انه مايدخلني فالعلاقه المادية اللي بينه و بينهم لاني ماحب سوالف البيزات … )

في مرة من المرات.. عمتي (ام ريلي ) الله يحفظها .. عصبت علي على غلطه انا ارتكبتها ( بس انا انكرتها )و لاني اول مرة راددتها .. وكان المفروض اسكت لانها حرمة كبيرة فالعمر .. بس انا للأسف بعد فوات الاوان حسيت اني قليت ادبي معاها
ومن عقب هاليوم قررت اني مازور اهل ريلي خير شر ..
تخيلو .. حرمت يده من حفيدتها

وحرمت بنتي من عماتها و اعمامها

ومرت فترة 7 شهور و انا ماسرت بيتهم و لا زرتهم في فرحهم (حميتي ربت) ولا زرتهم لما اخوهم الصغير رد من السفر ..

قاطعتهم فترة طويله .. و كنت ناوية اكمل للابد .. و ناسيه انه في شي اسمه صلة رحم وناسية عقاب ربي و غضبه

انا اولا .. الوم نفسي لا ني يا بنات ,, انسانه خوافه وجبانه .. و عمري ماواجهت المصاعب و المشااكل .. كل اللي سويته في حياتي .. وكلما صار شي معاي .. شردت منه و ماواجهته ابدا ..

و ثانيا .. بعد الوم نفسي .. لاني وايد عطيت مجال لأهلي انهم يتدخلون في حياتي .. صح انهم اهلي .. و تعرفون الام كيف تحب بنتها وماترضى عليها بشي.. بس انا اكبر غلطه سويتها .. سمحتهم يتدخلون في مشاكلي ..و تعرفون عاد المشاكل اللي بتي من وراها

و ثالثا .. الوم زوجي .. و بلومه و بلومه
انا من ملجت و لين يومكم هذا .. ريلي منعني اني اتقرب منهم
هو صح كان يخاف علي .. لكن مادري من شو ..
والله يا بنات

كنت اقوله امك مريضه ودها المستشفى.. يقولي انتي ماتعرفينها انا اعرفها عدل .. بتستوي مشاكل

كنت اقوله ليش ماتودي امك العمرة .. يقولي انتي ماتعرفينها انا اعرفها عدل .. بتستوي مشاكل

اقوله اختك الصغيرة تدرس فالجامعه ..ليش ماتفتحلها حساب و تعطيها و تصرف عليها .. يقولي انتي ماتعرفين شي .. انا اللي عشت معاهم .. بتستوي مشاكل

اقوله ابوك متوفي الله يرحمه .. ليش ماتحج عنه .. والله بتحصل اجر .. يقولي انتي ماتدرين .. بتستوي مشاكل

احينه .. رمضان
اقوله اليوم الجمعه .. ودني بيتكم الظهر عشان اساعد امك فالمطبخ
يقولي لا .. بنسير وقت الفطور و عقب الفطور بنطلع ( من حق عمتي انها تزعل و تعصب لانها تطبخ و تتعب و انا اسير اكل و اطلع بدون ما ساعدها )

انا محد متعبني غير هالريال .. كلما حاولت اتقرب .. قالي لا و انتي ماتعرفينهم و انتي وانتي و لو استوا شي عقب ما تلومين إلا نفسج

و انا قبل كنت اصدقه .. كنت اقول في خاطري انه هو ادري بأهله و اكيد بتسوي مشاكل اذا انا سويت شي

بس كان المفروض ماخلي حد يتحكم في حياتي

لاني اكتشفت انهم وايد طيبات .. و خلوقات .. صح انه عمتي مزاجيه و عادي تعصب علي في اي وقت و بدون سبب .. بس انا المفروض اعتبرها امي الثانيه .. انها تعصب علي عشان مصلحتي مب لانها ام ريلي

انا يوم قاطتعهم .. حمياتي هم اللي زقروني وهم اللي حسسوني اني وحده منهم و فيهم .. والحين من شهر تقريبا وانا ازورهم كل ويكند..

انا احس اني ظلمهتم .. وغلطت بحقهم
احس اني خلاص .. ماقدر اتحمل هالشي

يعني الحين بسوي اي شي عشان علاقتي مع عمتي تستوي زينه

هي انسانه طيبه وايد .. اذا سولفت .. سوالفها حلوة .. وتضحك .. بس مرات تخوف
خاصه لما تعصب .. و انا خلاص قررت اني ماشرد و اواجه كل مشكله تمر بي

و قررت اني اعتبرها مثل امي ..

ابي اعتذر لهم عن كل غلطه غلطتها في حقهم .. بس ماعرف كيف

ابي رب العالمين يسامحني و يغفر لي ذنوبي

ابي اموت و انا نيتي صافيه تجاه الكل .. ابي الجنة من نصيبي

بنات

ادعولي الله يوفقني و يهديني و يغفر لي ذنوبي

والله الدنيا فانيه .. هي كم من يوم نعيشها

ليش نضيعها على مشاكل و هم و حقد
يارب

سامحني و اغفر لي كل ذنوبي

بس حبيت افضفضلكم شوي

و اريح اللي في قلبي

و لا تنسوني من دعائكم في قيام الليل

استغفرالله العلي العظيم واتوب آليه ..

انتي بايدج كنتي تعدلين وضع ريلج وتحببينه باهله

كنتي ترومين تعدلين علاقتج وياهن بدون هو مايعرف

ماله داعي تدافعين عن اهله جدامه وانتي واثقه برده

يعني تطرين اهله عسب هوو يقولج مشاكل ؟؟

مادري شقولج الله يهديج ويسخرلج ريلج

وحمياتج امهم هذي مهما صار يعني

وريلج بعد مهما صار وصار ترى فالنهايه اهله هي فتره زعلان منهم

بس مصيره ترى بيررد لهم هذي امه وهذيل خواته

الله يعطيج على قد نيتج

محد ما يغلط بس حلو الواحد يعترف بهذا الشي

الله يوفقج دنيا واخرة

أنتي صلحتي غلطج
ورب العالمين رحيم بعباده بأذنه هو بيغفرلج وبيرحمج
تقربي من عمتج وهديها هدايا
ولما تين تطلعين من عندهم قوليلهم السموحه منكم جان يا كم مني تقصير
وعند كل صلااه أدعيلهم
وادعي أن الله يحنن قلب ريلج على اهله ويهديه

الله يوفقج ويرزقج بالجنه

الله يحنن قلبج اكثر واكثر فديتج الى سويته شى كان من الماضى الحين حاولى تعوضى الايام الى ابتعدتى عنهم والانسان هب معصوم من الغلط بس الحلو انه يعترف بالغلط وما يستمر فيه العمه مثل الام سولفى وياها حبيها على راسها يوم تزوريها اهديها ولو شى بسيط صدقينى بتستانس وبتنسى الماضى لو شاله عليج قربى بنتج منها اعزميهم فبيتج والله يبعد عنكم الزعل

عزيزتي
انتي ماتعرفين ريلي .. انسان بارد جدا.. و مهما حاولت معاه.. ماش فايده

و انا كتبت فالبداية

اني مامنعته من زيارة اهله ابدا
انا ( زوجته ) فقط مب هو

انا اللي انقطعت عنهم

ومامنعته ابدا من انه يزور امه او خواته

ولا عمري حاولت اكرهه بأمه و خواته

انا بعد عندي ام و خوات.. قلبي مب من حجر

ولا عمري حاولت اخرب العلاقه بينهم .. لاني ادري انه اهله اولا

و بعدين انا

و بعدين انا مب ساكنه مع اهل ريلي .. ساكنه بعيد عنهم وايد .. ريلي هو اللي يوديني بيتهم على حسب مزاجه .. مب على كيفي

انتي ماقريتي موضوعي عدل