أنا صار لي متزوجه من خمس سنين..وساكنه عند اهل زوجي..أولا زوجي أكبر مني بتسع سنين..بس نحن متفاهمين مع بعض..ومرتاحين لبعض وعندنا ولد وبنت..(الله يحفظهم ويخليهم لي)..بس المشكله في أخت زوجي..وهيه متزوجه وساكنه عند زوجها بس ابصراحه ايني ضيق فالتنفس من اشوفها او اسمع صوتها..ما ادري ليش ابصراحه؟..!كل ما تزورنا وهذا طبعا يوم ايه ويوم لا..أول ما اسلم عليها لازم تحرجني بكلمه او تقول كلام ما ادري من وين يايبتنه؟.قلت فخاطري سكتي عشان زوجج وكنت كله اكتم فصدري وساكته وكل ما كانت تستوي مناسبه انزور فيها حد من أهلهم ما تخلي زوجها يوصلها تتصل على زوجي وتخلينا انمر عليها ونشلها ويانا (الحين هيه ما عندها زوج؟)لا وعيالها مطلعين الشيب براسي يدخلوني قسمي وينكشون البيت فوق تحت..واستحي اطلعهم..وعمتي (ام زوجي)احيانا تكون حنونه وطيبه وايد بس اليوم اللي تكون فيه بنتها عندها تكون نسخه مطابقه لها..وكل هذا وانا ما اعلم زوجي..دايما ينقدن كناديري المخوره او شيليه او حتى شبشوبة البيت ما سلمت منهن….وبعدين يتني جلطه فالرئه منهن ومن عمايلهن..الدكتور اللي كان يعالجني انصدم كيف تيني جلطه وانا صغيره عمري بس 24 وجسمي مناسب ما فيني متن..وسفرني زوجي برا للعلاج وهناك خبروه عن نفسيتي الزفت..وقالوله ان الجلطه يتها من عوارض نفسيه مب صحيه..وعندها بديت اخبر زوجي وحلفته ما يخبرهن ما اريد اسوي مشاكل مع اهله انا ما احب اعيش بروحي دايما احب الولفه .زوجي كان شاك ان من اخته اللي صار وهيه بعظمة لسانها قالتلي مره بأن عينها حاره وقالت احذري مني..وانا ابصرحه اعيش فرعب يوم تزورنا..بس زوجي قالي يوم تزورنا روحي بيت اهلج لان بيت اهلي قريب فنفس الحاره وجلسي عندهم لين تروح..وبعدين ردي..الحين هذا حل؟؟؟ابا مشورتكن ورايكن..لا تبخلن عليه..ما اعرف شو اسوي وريلي ما يبا خلي امه تعيش بروحها وانا مثله ما اريد اخليها بروحها..
ما شاء الله عليج عاقله .. و نعم التربيه
اسمعي كلام زوجج هو أنسب حل ، لأن ما فيكم تطلعون و تخلون أمه لحالها في البيت
الله يهدي زوجج و يسخركم لبعض ،، يارب
قالج سيري بيت اهلج … وابتعدي عنها …
.gif "12 (63)")
بصراحة اخت زوجج شريرة
.gif "12 (15)")
اول شي سيري صلي ركعتين حمدا لله انة عندج ريل مثل ريلج ماشاء الله
لان معظم الرياييل يضاربون مع حريمهم بسبة خواتهم او امهاتهم
وهو يحليلة يخاف عليج منهم
ويوم قالج يوم اتي اختج روحي بيت اهلج احسة حل طفولي وبري
انسيها ولا تهتمين فيها حد عندها مثل ريلج
اتيها جلطة
يا الحلوة لو علقوا على شي ما تعبرينهم خليج واثقة من عمرج وحسسيهم
بان هالكلام ايقولونة من غيرتهم منج
وما عليج من حد لو تميتي تسمعين كلام الناس رحتي فيها
بس اسمعي موب كل ما يت اخت ريلج بيتكم تروحين عنها
لاني احس انها بتسوي مشاكل وبطلع نفسها هي البريئة
تقدرين تقعدين في حجرتج وتنشغلين عنهم
وبس ..