كيفكوون يا حريم و صبايا ؟
طبعاً تلاحظون مواضيعي قليلة و نادره في قسم السياحة الداخلية لأن مب من كثر طلعاتي اصلاً ! .. يالله ترزقنا فارس الأحلام الله يطلعنا و يحوطنا و يدخلنا السينما اللي محرومين منها ههههه 
المهم اليوم تقريري عن المطعم الهندي الفاخر زافران Zafran في سيتي مردف
مره اتغدينا فيه انا و صديقتي فوودييتها و مسوين عرض غدا حق شخصين على 185 درهم و مع المشروبات يوصل 210 تقريباً ^.^
الصراحة المطعم راااقي و على مستوى و الديكورات روووعة و اليلسات ولا أحلى و السيرفس 10 / 10 و الأكل لذيذ بس ثجيل شويه يعني لا تكثرون و خصوصاً راعيات الرجيم خخخخ
اسمحولي ما صورت لان موبايلي كان مفضي بس نحن طلبنا عرض الغدا حق شخصين و يشمل على :
[ صحنين مشاوي مشكلة على الطريقة الهندية / صحن برياني / طبق سلطة / صلصة الروب الهندية / صالونة دال / خبز النان ]
و هذي صور المطعم دورتها من النت عشان ما تزعلون لول :
:
:
الخلااصه أنصحكم فيه أقوى شي 
خصوصاً عشاق الأكل الهندي شراتي واايد بتحبونه
و على فكرة هذا اول تقرير في النت عن المطعم حصرياً على سيدات الإمارات
و فالنهاية اتمنى لكم زيارة ممتعة ^.^
أنا دخلت قصر الهند و عالم الطعام رووووووووووووعة
تسلمين غناتي
بس اتصدقين سرت ستي مردف ما ما شفته ؟
مادري وين كانت عيني
هههههه
ان شاء الله بمر عليه في المستقبل القريب
عاد مادري بتم مثل ما هو والا بيتغير
تسلمين الغالية عالتقرير ويعطيج العافية
بس وين التقرير ماشفنا شي!
ماصورتي لنا المطعم والاكل من تصويرج
بس الحين اكييييييييد الزياره اليايه لمردف بناكل فالمطعم
ثانكس
يسلموا
امسات متعشيه في مطعم هندي في الراحه مول
زاري زردوزي