شخباركم جميعا
أكلمكم من كوالالمبور
أمس وصلنا واليوم سرت المركز التجاري اللي في البرجين التوأمين حلو وفيه كل الماركات العالمية وأسعارهم ما تختلف عن أسعارنا
المهم عقب سرت السوق الصيني ،، وايد أرخص عن اللي اييبونا عندا
سألت كم واحد عن كم شنطة يعطوني سعر بالميات ولما أقول لهم باخذها بس بـ 50 يوافقون،، يعني قاصين علينا عدل
المهم الحين انا مب عارفة وين أسير
ابا اشيا مب موجودة في بلادنا،، وأبغي أشتري هدايا حق أهلي وأهل ريلي وما أشيا غالية
وأبغي أغراض حلوة حق بنوتي
وين أسير يا خبيرات كوالالمبور؟؟؟
بس طمنينا شو الاجواء عندهم ؟ وشو اخبار المرض ؟
سمحيلي البنات بيفيدونج ان شاءالله
وخبرينا شخبار المرض هناك…وكيف احتياطاتج انتي..؟
بليز لا تنسين تسويلنا تقرير بكل شي عن ماليزيا لا تنسينا 
صوريلنا كل شي كل شي
ورحي مركز لوت 10 في محل Isetan عندهم شغلات حلو وهو موجود بعد في البرجين وشي في نفس المركز lot10 محل فيه بجامات حلوه كنت ايب منه هدايا اسمه WH بيكون في الطابق الاول
وعندج تايمز سكوير وسنجي ونج وبيبي بلازا
بس في المطار كانوا اللي يختمونو الجوازات ومعظم اللي يشتغلون حاطين ماسكات
يمكن عشان مطار ومن كل مكان اييون
بس جوهم رطب صدق ،، هالشي اللي يكره الواحد في الطلعه خصوصا إذا الواحد بيمشي مسافة ما تستاهل انج تركبين سيارة
البارحة كنت في سوق مادري شارع العرب،، الناس حاشرينا عليه بس ما شفت شي مميز غير كثرة العرب ،،
وبس
ياللع عطوني أماكن ومولات رخيصة أبا أشتري هدايا وايد ويييين ؟؟؟
Sungei Wang Plaza
من المراكز القديمة والرخيصة وفيه جميع أنواع البضائعمن ملابس وعطور وجلديات وألعاب للاطفال ويتكون من 7 طوابق
************************
Starhill
متصل بفندق الماريوت وفيه معظم الماركات العالمية
************************
Lot 10
مركز متنوع مكون من 4 طوابق وفيه محلات اسيتان متجر كبير وموجوده جميع البضائع فيه وسوبر ماركت وهو مقابل مركز Sungei Wang Plaza وتمشين له من الماريوت 3 دقائق
************************
Mid Valley Megamall
يتكون من 5 طوابق تقريبا توجد به كافة الاحتياجات من السوبرماركت الى السينما مرورا بالمحلات النسائيه والرجاليه ومحلات ملابس الاطفال والاحذيه . هذا المركز لا يقع في مركز مدينة كوالالمبور انما يقع في منطقه أخرى ويمكن الانتقال اليه عن طريق الباصات او باستخدام التاكسي
************************
Berjaya Times Square KL
يتكون من 12 طابق . وفيه محلات متعدده ملاهي للأطفال وملاهي للكبار ، مجمعات سينما ، مطاعم … والكثير
************************
Suria KLCC
زرتيه وغني عن التعريف بمحتوياته من أجمل المراكز من وجهة نظري
************************
المركز الملحق بسن واي لاجون متنوع البضائع
المركز الملحق بفندق الفيرست ورلد في جنتنج أيضا بضائعة متنوعة
************************
السوق الصيني ومحتوياته معروفه بس سيري الصبح إذا عندج يهال أفضل ماشي زحمة
************************
Mega mall
أكبر المراكز التجارية في آسيا ويبعد نصف ساعة عن كولالمبور
************************
أتمنى أكون أفدتج
تحياتي