خواتي اليوم بعرضلكم بعض الموديلات للأناقة في المنزل سواء من بدلات او جلابيات
وهالموضوع اذا لقى اقبال بإذن الله بيكون متجدد
الفكره هي اني بحط صور مع شرح بسيط لو حبيتي تسوين نفسها
واخترتلكم الصور الي سهل نحصلها بالسوق او نسوي نفسها مافيها شي غريب وصعب
والهدف من هالموضوع تكونين باحلى شكل جدام ريلج ،، أهل ريلج ،، ولنفسج قبل الكل
نبدأ بسم الله
هالجلابيه سهله وايد إنها تتقلد ما عليج الا تشترين قطعة حرير وشريط الكريستال او تراوين الخياط الصوره ويسويلج نفسها ،،، عجبني فهالصوره بعد الاكسووارات وصبغ الاظافر حلو الوحده تهتم بكل شي فمظهرها وما يضر لو تمت فخلال الدورة الشهريه صابغه أظافرها او بين الصلاه والثانيه
شي بسيط وحلو
فهالجلابيه عجبتني فكرة الحزام ،، وطبعا بدون شرح ما يبالج الا قطعه ساده وقطعه ملونه وتقومين بالمهمه على اكمل وجه ^^
طبعا هذا قميص لكن فكرته تركب على جلابية خفيفه للبيت القصه الي على الرقبه وبعض الاكسسوارات عليه والكم تسوينه طويل وتمام التمام ^^
هذي بعد سهله انج اطبقيها بعد يبالها قطعه حرير ودانتيل راقي ،، خواتتي على فكره اذا تبين الشي حلو لا تستخسرين فيه خذيلج اشيا حلوه وراقيه وهذا حجمه صغير فهالموديل يعني ما بيكلفج وايد
وبعد ممكن فالحرار تاخذون الحرير العادي مب الاصلي مب مشكله او الحرير الهندي رووعه
سهل ما يباله شرح مجرد قطعه تلمع ومن لونين وتراوين الخياط الموديل ،، لازم خياط شاطر وفي وايد الحين خياييط يسون للبيت ماجد جربتهم بس من كلام الناس يضبطون الموديلات
خلو الصوره الربشه الي فوق ، وشوفو الي تحت هذي لو لبستيها فالبيت بتكونين انيقه طبعا الموديل مافي غير جسفه تحت البطن وهي الي عاطيه الموديل والكم واسع وتناسب البنت الطويلة
ولا تقولون ايدي بتتطلع ترا ممكن تغيرين موديل الكم او تلبسين تهته شي مرتب وحلو
بصراحه عايبتني سالفه لحزام فالجلابيه ،، سواء من القماش او اي قطعه ثانيه شكله عاطي جمال
هني الموديل سهل جدا وما يباله شرح
وفالنهايه يعتمد على ذوق الوحده فالقطعه الي تختارها
يتبع ،،،
هذا حلو وايد تاخذين من نفس التور الي فوق المطرز ويقطعه الخياط على حسب الشكل ويحطه لج على قطعه لونها حلو وساده
هذي ممكن تقلدينها باستعمال القماش الكشميري والقطع الي تلمع ويعني تركبين وتسوين نفسها
هذا بعد من التور المزخرف نفس الي فوق وبعد حلو لجلابيه شيفون للبيت بنفس الطريقة ونفس الموديل
عجبتني حركة الكم ،، يعني حلو التغير وحلو التجديد وانه نحطط شي على الموضه فالجلابيه يعني اذا لقيتي خياط يضبطلج الطريقه فشي حلو صراحه ^^ ويمكن ناس ما يعجبهم فالنهاية الناس اذواق ^^
انا عاجبتني سالفة الجلابيات الساده والي عليها حزام او شي بسيط احس رقه والحرير يعطي انوثه فالبيت
هالجلابيات وايد حلوه للبيت وفكل مكان تنباع ما يحيتاي تقلدونها هههه
يتبع بنغير شوي وبننتقل لبدل البيت
نبدأ بسم الله
يعجبني القصير والي تحته ينلبس هلاهوب ،، او بدونه مافي مشكله دام الوحده بتكشخ لزوجها ،، ولكن احيانا يكون البيت فيه خدامه وعيال كبار فتستحي الحرمه فتفضل تلبس هلهوب ، او بنطلون ستريتش
بالاضافه لتسريحة الشعر والربطه في الصوره الاولى براي الربطات وايد حلوه للبيت ماعرف اذا توافقون الراي او لا ؟؟
وفي الصورة الاولى لابسه دلاغ مب هلهوب واحس وايد حلو ومغري ^ــــــــــــــــ^
هالستايل الصيفي براي وايد حلو للبيت مريح وايد وزاهي
نفس الي فوق قميص قصير ولكن زادت عليه حزام
تسريحة الشعر والتغير مهمه جدا وان شاء الله بيكون لي تكملة لتسريحات البيت ^^
أموت على شي اسمه تنوره وقميص فالبيت أحس كل وحده تلبس تنانير قصار فبيتها أنيقه ،،، روعه خواتي صدقوني تلبسين تنوره وقميص قصيره وحلوه عذوقج تستانسين فيها
في هالصوره بناطلين علاء الدين حلوه للضعاف وانيقة ولكن هدفي من هالصور هو الربطات الاكسسوارات الي تكملين فيها البدله الحلوه اعتقد مهمة جدا
هالمظهر اعتقد كلنا لبسناه فالبيت صح ؟؟؟ ^^
وهدفي من هالصورة إن حلو نلبس كل شي يطلع يديد حتى لو كانت موضة مراهقين حلوه للمزوجات فبيتهم وحلوه للبنوتات بعد
البس فساتين قصيرة ،، وايد نشوف فالاسواق فساتين حلوه بس قصيره ،، ودج تجربينها بس تقولين وين بلبسها
لا في يوم سبيشل بتلبسينها في بس ما تاخذينها بدون تخطيط لازم يكون في يوم بتلبسبها وتاخذينها
طبعا بتقولون هذا قميص نوم ،، فعلا قميص نوم بس يعجبني الشي الغريب الي فيه شي يميزه مب المعتاد ماعرف اذا توافقون الراي ؟؟
انا هني أبدي رأي فقط ،، ولا أفرضه على غيري بالتأكيد ^^
فاللي يعجبه يقولي كملي ،، وانا ان شاء الله بعد التشجيع بتطرق لاكسوارات البيت وين مكن تلقونها
ولتسريحات البيت وكل شي يهم المره فبيتها
فانتظار تشجيعكم ^^
الافكـار روعـه ،، والله حلو الواحد يغيـر شوي في الجلابيـآت 
يعنـي سوآالف الحزام في الملابـس تعطي جمـآل وتبيـن الجسم مرتـب ^^
تسلميـن حبـوبه مـآ قصـرتـي,, نتريـآ يديـدج..
أول وحدة هذا استايل لي أحب كثييير مريح