الغاليات
أنا من بعد الزواج أبا أروح عند ريلي لأنه يداوم في دبي
وأبا أستقر معاه هناك
بس أمي هددتني 
قالت لي إن بطلتي حلجج بكلمه وحده بس
مقرج هني في البيت
تروحين تقولين له أنا أبا أروح وياك ماشي
أقص لسانج إن قلتي له
ما تروحين معاه غير خميس و يمعه
والله يا بنات فيني غصه
ما عرف أقول حق ريلي أمي قالت لي جي وإلا أنصاع لرمستها وأقوله أنا مابي أروح معاك
بس والله يا بنات حالتي النفسيه أرف
مابي أقعد معاها في البيت .. دومها عصبيه وتحرمني من كل شي
لا دراسه ولا غيره وفوق كل هذا تباني أقعد معاها في البيت عشان تعذبني أكثررر
أنا مابا حد غير ريلي … والله بموت إذا ما رحت معاه
أبا آخذ حريتي بعد كل شي انحرمت منه
أبا أكمل دراستي معاه وأعيش معاه بعيد عن المشاكل والأرف اللي عشت فيه
شسوي أفيدوني والله كل ما أقول هانت تطلع الوالده بشي يديد
مابي أتم في البيت مااااااابي
أباه هو أبا أعيش حالي حال أي وحده متزوجه
هو قال بياخذني عنده لأنه ما يبا يعيش بروحه
و عقب العيال يتشتتون من دون أبوهم
والحين أمي تقولي يا ويلج جان خبرتيه قوليله مابا أروح معاك
وأنا أساساً أباااا
شسوي !!!!!
أقوله اللي قالتلي إياه أمي ؟ وإلا ما أقوله ؟؟؟؟
بنات أدعوا لي خلاص أنا انتهيت نفسيا والله انتهيت
لها الحق تنصحج بس مش تفرض رايها بالغصب
لا تسمحين لاي بشر يفرض رايه عليج
و بر الوالدين مش معناته العبودية واسقاط الذات
امج لها كل الاحترام و التقدير والبر محد يقدر يقول شي ، بس ارفضي طلبها بكل ادب و قوة
و قولي انا وحدة متزوجة وشوري عند ريال
بس بغد هذاك ريلج لازم تسيرين وياه،،
البنت مصيرها تروح لريلها،،
يمكن امج بتحس بوحده مت عقبج لو ماعندها حد غيرج،،
او انها مضايجه شويه لانج بتعرسين و بتسيرين،،
انا اشووف مكانج عند ريلج و صدقه ريلج مب حلوه يتم روحه و عن العيال بعد مب شي.،
يشوفون ابوهم خميس و يمعه..
توكلي وسيري وياه و رمسي امج انج ما بتقطعينها،،
شو فآيدة الحيآة الزوجية والازوآج بعآد عن بعض
اختيه حآولي تقنعين امج
وخلي ريلج يصر ع رآيه عشآن اتوآفق
اللهـ يعيينج اختيــه
وانا اللي أعرفه ان طاعة الزوج واجب ..
قوليلها ريلي ما طاع وألح عليه اسير وياه ..
الله يهديها أمج واضح انها تحبج فيمكن عشان جي مب هاين عليها تفارقج
ربي ييسر أمورج
الله يهديها و يصلح حالها ..
وريلج المسؤول عنج
الله يعينج اختي