آآآه شو اقولكم ><" امس طالعه من المستشفى بعد تنويم 4 اياام
السبب: كان عندي الم فالاسنان
عصب .. كنت بعااالج بس كان عندي موعد ودريت اني حامل المهم انا فالثامن ..
الالم بدى لي من الساعه 11 الفليل فضيييع قلت باخذ ادول يمكن يخف خذت تريت والله ماشي يزيد اكثر من قبل واتمضمض ماشي فايده والله صياااااااح لين الفجر وانا مب راقده وقمت احس بدوخه و بطني قام يشد جي احس يضغط مارمت اتحمل اول ماستوت 7 الصبح طلعت ويا ريلي قلت بسير طواري (مستشفى خليفه ام القيوين) مايعالجون الا بمواعيد بس شي طواري من 7 الصببح يعني يخذون حاله ولا حالتين الحق ما تلحق …
اتصلت فيهم قاللو زحمه و الي ماخذين مواعيد موجودين والطواري بعد موجودين ف مابقدر ادخل 
سرت عياده خاصه >< حاطين لافته ساعه 9 ونص بيفتحون
واناااا والله وصلت حدي جان اتصل ف دكتورتي الي اراجع عندها ف مستشفى خليفه وشكيت لها الحال قلت حتى ما اقدر ادخل عندج لانه ما ماخذه موعد قالت تعالي طواري ولاده قلت بس انا اسناني الي تعورني قالت لازم اافحصج عشان اقدر احولج اسنان ..
ويالله وصلت طواري ودوني قسم التوليد وسولي تخطيط لاني قلت لهم بطني بدى يعورني بس انا ابااكم تعالجون اسناني خلو بطني قالو ماينفع لين تفحص وهااااا ف تخيلووووو عقب التخطيط 
يتني الدكتوره قلت لهااا ابي شي حق اسناني قالت انتي لازم ننقلج غرفة ولاده هاي حالت ولاده عندج تقلص فالرحم قلت طلعووني بس عطوني شي حق اسناني قالت ما اقدر احولج عند دكتورت اسنان ولا هي بتقبل تعالجج الا بموافقتي وانا ما بوافق قالت بعطيج شي يخفف الم الاسنان بس لازم اتمين عندنا و خلوني عندهم لين ما بدى تخف التقلصات شوي وحولوني عند دكتورت اسنان و عالجتني بدون بنج (الحمدالله )
بس بعد تميت عندهم فالملاحظه ابر و ادويه و عطوني 3 ابر مال الرئى وشي حبه برتقاليه عطوني ايااااها وحتى يوم طلعوني قالو خذيهاااا بس وااااااايد تبهدلت (nifedipine) والله يوم اخذهاااااا ادوووووخ ويهي يبيض خدودي تحمررر و نبضات القلب عندي تتسارع و جي احس جسمي كله ينبض وجيسني لوووعه واااااايد اتعبني قالولي مرتين اخذها فاليوم عقب 8 ساعات بس اليوم سرت لهم فالطواري قلت الدوى جي تسوي فيني قالولي لاتاخذينها يوم بتين الموعد الي هو تاريخ 16 ايبه وياي واخبر الدكتوره
بس سؤال : حد مجرب هالدوى ؟؟ ويعرف شو سالفتها
والله كرييييم
الله يسهل على الجميع
اهم اطمنتي على البيبي وخف عوار ضرسج
ماعرف
الف سلامة عليج
ابي اعرف منو ربت فالثامن 