.
.
.
.
.
حابة أسألكم؟
لو تعرفون أماكن حلوة في دبي للعائلات او الكابلز؟
فيها مناظر حلوة؟ أو تنفع للكشتة؟
أماكن غير المولااااااااات ؟ ملينا من المولات؟ نبا شي يديد؟
وشو من الفعاليات؟ تسيرونها أوقات المهرجان؟
لنه احس شي واايد اماكن في دبي الأجانب يسيرونها بس نحن ما نعرف عنها..
فاللي من دبي او غير دبي وعندها خلفية.. تفيدنا..
نبا خبراتكم..
شخبارج الغلا..؟؟
ممممم..
عندج ملتقى العائلة.. الدوار اللي تلفين عليه سايرة العربي..وانتي اونج سايرة العربي بس تلفين يمين ما تسيرين سيدة صوب العربي خخخخخخخ ما ادري جان دليتج صح ولا لووول..
القرية العالمية اوووكي حق يوم الاثنين ما فيها زحمة وايد وايام عوايل..
ذا وووك اوكي الحينه بس الافضل ما تسيرين ايام الويكند لانه زحمة ><
واذا حابة تتعشين فمطعم انصحج بمنتجع باب الشمس عندهم مطعم مسالا هنديال بريااني ماله واااااو الذ برياني ذقته..
في بعد مخيم العوايل صوب الورقاء.. صوب البر ها وقته بس هاليومين الجو ما بيساعد شي 
عندج فعاليات المهرجان صوب شارع الرقة ما عندهم زحمة واايد على ما اظن…
والحدايق اوكييه هالوقت قبل لا ايي الحر بس شرات ما قلت الجو هاليومين مول ما يساعد..
صوب جميرا وين ميناء السلام وربعه..اذكر يمكن ميناء السلام مب متذكرة عندهم نفس قارب يمر على كل الفنادق الموجودة هناك..في كذا فندق عدال بعض وترومون تتعشون هناك بعد..
وفالفيستيفال سيتي برع المول صوب الالعاب هناك ترومون تتمشون و تتعشون…
وغيير جييه المولات ممزورة في دبي..
ممممم ها اللي قدرت افيدج به وان شاااء الله البنات ما بيقصرن 
الحدايق مثل زعبيل والخور والصفا
ذا ووك ومرسى دبي
مدينة جميرا
اتلنتس وزعبيل سراي