شـو الاخـــــــــبار خواتـــــــي الله يعطيكن الصحه والعافـــــيه؟؟
المهم يا اهل الخبــــره…بغيت اعرف الوحده الي ترضع ولدها صناعي يعني المفروض كم ملي لازم اترضعين ولدج بليـوم يعني بوضــــح اكثر كـــم رضــــــعه لازم يرضع يوميا وبكل رضعه لازم كـــــم ملي الي ماتعرف للملي تحددلي الارقام؟لان ولدي كمل الحين تقريبا 15 يوم مايرضع نفس قبل يعني قبل كل ساعتين لازم يرضع ابا اعرف هذا الشي طبيعي ولا يمكن يعوره شي مع اني وديته عند اكثر من دكتور يقولون مافيه شي غيرت المرضعه ماشي فايده الحين ,,الحين بدا فديته يرضع بس مب نفس قبل كان ينش فليل يصيح يبا يرضع الحين من ارقــــده الساعـه 12ماينـش الين 8الصبح بس ينش يصيح او يلعب ارد ارقده ويرقد بس يكون يوعان الي مر عليهن نفس حاله ولدي طمنوني شو سويتوا؟؟ للعلم ولدي …عمره 4 شهور وشوي..
الله يخليكم فيدوني ؟؟ ولازم بهذا العمر كم وزن البيبي يكون..
هي نسيت اقولكم انا اعطيه عيــــش ملوبا واعطيه صباح الخير واعطيه سريلاك مع الحليب ؟؟
الدكتور يقولي لاتعطينه اي شي بس احس مايكفيه الحليب ؟؟واعطيه يزر وبطاطا مهروسه هو اي شي بلملعقه يتقبله بس المرضعه لا لا لا
اسمحولي طولت عليكم بس ماعندي حد اساله غيركم ؟؟وانشاء الله تفيدوني ؟؟
اول شي ولدج صغييير ليش تاكلينه هالكثر حراام ..
بعدين كمية الحليب تعتمد من طفل لثاني يعني في عمره تقريبا يشرب 120 ملي 7 او 6 مرات ..انتي شوفي كم مره مكتوب في العلبه ..و بعدين عاادي يناام و ما يشرب حليب يمكن ولدج من الي ما يحتاج ينش يشرب..لكن اذا خاايفه عليه و هوناايم سوي له رضعه و خلي يشربها ..
و عوديه كل ساعتين او 3 ساعات تشربينه حليب ..
و الله يخليه لج ..
بس امانه لا تاكلينه الحين هو صغيير بعده و الامعاء ما تتحمل صبري شووي لاخر لسادس
مشكوره الغلا بس انا ما ااكله هاذي الاشياء كليوم؟ لا بس بليوم مره وكليوم نوع ومب مستمره يعني لازم يوميا بس انا اوضح ؟؟
حبيبتي التعليمات موجودة على علبه الحليب وطبيعي تقل رضاعاته بهالفترة لانها فترة تسنين تبدا اللثه تلتهب ويحس بالم لما يرضع ولا تاكلينه نهائياً لين يكمل السادس لان الاكل يسبب له غازات ومغص والله يحفظه لج ويبارج فيه
المشاركة الأصلية كتبت بواسطة uaq_g 
حبيبتي التعليمات موجودة على علبه الحليب وطبيعي تقل رضاعاته بهالفترة لانها فترة تسنين تبدا اللثه تلتهب ويحس بالم لما يرضع ولا تاكلينه نهائياً لين يكمل السادس لان الاكل يسبب له غازات ومغص والله يحفظه لج ويبارج فيه
التعليمات موجوده عالعلبه
المشاركة الأصلية كتبت بواسطة قصر المحبه التعليمات موجوده عالعلبه