ألذ حمص باللحمه من مطبخ مياري (( بالصوووووور)) المطبخ اماراتي

بسم الله نبدا ومن مطبخي المتواضع حبيت اني أحط لكم طريقة صنعي لطبق أحبه وما أصبر عنه واللي هو الحمص باللحمه ..ما أطول عليكم واليكم الطريقه السهله واااااااايد والخفيفه…

أول شي قطعت كيلو من لحم العجل الخالي من العظم الى مكعبات صغيرة

بعدها حطيته في ماي مغلي وخليته يطبخ لين ما استوى طري وقابل للمضغ عشان لحم العجل يبيله وقت عشان يستوي ومن عقبها شلته من الماي وصفيته وحطيته في مقلاه غزيره وأضفت له ملعقتين كبار من زيت الزيتون عسب ما يفقد طراوته بالأضافه الى الملح والفلفل الأسود..

وبعدها انتقلت لعمل الحمص وطريقته وايد سهله وأنا شخصياً أستمتع بأكل الحمص المنزلي واللي في الطاسه هذي عباره عن ثلاث ملاعق كبيره طحينه+ملعقه صغيرة من الخل +عصير ليمونه وحده+ملعقة صغيره كمون +علبة من الحمص المطحون+ماء دافي للتحكم في كثافة الحمص+فنجان من زيت الزيتون..
وطبعاً هني قبل اضافة الحمص المطحون

وهني شكل الخليط بعد اضافة الحمص المطحون وتقدر كل وحده تتحكم بكثافته باضافة الماء الدافيء
وأنا عن نفسي أحبه نااااااعم ومش غليظ وكل وحده وذوقها..

وهني فردته على طبق التقديم ورشيت عليه شويه من السماق.وزيت الزيتون

وألحين عاااااد نوصل للخطوة الأخيره وهي وضع اللحم على الحمص وأكيد لازم ينأكل هذا الطبق الشهي على طول لأنه راح يفقد طعمه لو ما قضيتوا عليه في نفس اليوم…. وأكيد لازم نضيف بعض قطرات من زيت الزيتون على اللحم عشان يمنحه اللمعان ويفتح النفس في نفس الوقت..

وهذي صورة أخيرة لعيونكم مع تأكيد حقوق الحفظ وأتمنى انكم استمتعتوا معايه بالطبق اللي سويته … وصحتين وعافيه على قلوبكم:::

مع تحيات اختكم الصغيرونه
::: ميااااااري:::

الله يسعدج يارب كنت ادورررر عالوصفه
بس سهلتيها عليه
وماعليج زووووووووووووووووووووووود

مشكورة

يسلموووووووووووووووو عالطبخة يمي يمي

ان شاء الله بس تسوينها وتتهينين في أكلها ولا تنسين تدعيلي
موفقه غناتي

العفو حبيبتي

الله يسلمج ومشكوره على مرورج الحلو