أفيدوني عن حضانة للأطفال في العين .. تعليم الامارات

مرحبا خواتي ..

مممكن وحدة تفيدني عن حضانة أطفال زينه في العين ..

تكون مجربتنها ..

ويزاكم الله خير ..

السلام عليــــكم ..

لو كنتي تبغين حضانة في دبي بقدر اساعدج ..

العين ما ادري لو شي حضانة زينه تنفع ..

انا اسمع عن حضانة كيد ار اص في العين ويمدحونها ,,,

انا عن نفسي ما جربتها ….بس هذي اعتقد يملكها الاستاذ أحمد النجار

السلام عليكم ورحمة الله وبركاته
اشحالج اختي؟؟
فيه حضانه فاتحه من سنتين في العين وفي بوظبي من عشر سنين بس كله انجليزي في الخالديه انا عن نفسي رحت سجلت ولديه فيها اسمها استبينج ستون في الخالديه في العين وهذا رقمهم03 7812495 بس عيبهم ماعندهم باص لازم الاهل اللي ياخذون اولادهم
طبعا تستقبل من سن 18 شهر حتى 4 او 5 سنين بس الزين اللي فيها نفس الكي جي

8- حضانة الكواكب ( بلانيت)
تابعة لمنتسوري و هي ممتازه جدا يتعلم فيها الطفل القراءة والكتابه.
هذا راي ام في موضوع آخر. و الأفضل يا اختي انج تروحين الحظانات اللي محطوطه اسامسهم, و تأكدي من كل شي عندهم. من نظافة الفصول و الحمامات, و هل موجوده عندهم دكتوره طوال وقت الدوام ولا شنو؟؟
و بعدها قرري على اي حظانه تستقرين.

روحي الغالية حضانة كيدز آر أص للتعليم المبكر أكبر حضانة في العين وعلى مستوى راقي جدا في التعامل وفي التدريس يقبلون، من شهر لين 4 أو5 وعندهم مواصلات ونظام الوجبات الفطور والغداء انا حاطه بنتي فيها .إدارتها مواطنة .

كيدز ار اس ممتازة

وان كنتي تسالين عن روضه مدرسة زهرة المدائن ومدرسة النشئ الصالح ممتازة والحكومية روضة المسك وروضة المقام