حبيباتي شحالكن
أنا من زمان ما دخلت المدونة…
هالمرة انا حملت على اللولب …الحمد لله كله رزق من الله
سؤالي أنا اعالج في الجيمي وسويت صورة آخر مرة مع دكتورة أجنبية وما شاء الله اجهزتهم واضحة لدرجة انج تشوفين ملامح البيبي ..المهم قالت لي 90% بنت واضح من السونار..
المهم هالكلام من أسبوعين ورحت هالاسبوع عند الدكتورةغزل عشان اتأكد …
قالت لي ولد…مع العلم انه جهازها جديم وحتى الصورة مظلمة مب واضحة..
أنا عندي ثلاث أولاد وبنت وخاطري ف بنوته ..طبعا اللي ايي من الله كله زين اهم شي الصحة والعافية..
بس قبل يوم كنت حامل فبنتي بعد الدكتوره غزل قالت لي ولد 
ولين السادس يقولون ولد المستشفى..وبعدين قالوا بنت..
ع فكره أنا في بداية الرابع..
ألحين شو رايكم …أفيدوني بخبرتكن..
مشكورات حبيباتي ع الرد
يزاكن الله خير
موفقه
استغفر الله وأتوب اليه