أطفال الأنابيب لحياة صحية

منو جربت أطفال الأنابيب ؟ شو فيها أوجاع عند سحب البويضه والترجيع عقب ؟ وكم واحد رجعت؟ دخيلكم ردووووووووو علي ضروووووووووووووري بسوي الشهر الياي وااااااااااااااااايد خايفه

الغالية لا السحب والا الترجيع يعور بعد ما تنشين من البنج يوم السحب تحسين بويع نفس الدورة ويروح بعد كم يوم ويوم الترجيع ما تحسين بأي شي كانه فحص نسائي
ادعي لي الله يرزقني الذرية الصالحة

أنا ما جربته بس اسمع من حريم مجربات انه اجراء بسيط
يمكن عند السحب الوحده تحس والغالب يرجعون لج حسب
البويضات اللي سحبوها واللي تلقحت بس أعتقد ومش اكيد
انهم ما يرجعون أكثر من 3

من كم يوم مطلعين في حكمة نساء عنه ما ادري هالشي اعتمدوه
الكل ولا بس هالدكتور يقول انه ما يرجع البويضة ثاني او ثالث يوم
لا يرجعها خامس يوم لأنه هني يشوف الجنين بيكمل أو لا ومنها يسوون
فحوصات عن الأمراض الوراثية.

على كل حال انا سمعت انهم يخيرونج كم تبين ترجعين، واذا تحبين تحتفظين
بالبويضات المسحوبة حق عمليات مستقبلية، وكله يعتمد عالمكان اللي تسوين
فيه يعني افضل تدقين لهم وتسألين عن نظامهم وكيف العملية تتم عندهم

الله يكتب لج اللي فيه الخير.

انا سويتها مرتين مره نجحت ومره فشلت ولله الحمد بكل الحالات وغالبا ما تحسين بشى وقت السحب لانه يكون تحت تخدير كامل وعقب يوم تنشين بتحسين بعوار خفيف شرات الام الدوره وعند الترجيع ما يكون فيه الم لانه شرات الفحص النسائى الداخلى وعن عدد الاجنه يختلف على حسب نوعية الاجنة اللى تلقحت وحالة كل واحدة بس بالاغلب حاليا ما يرجعون اكثر عن 3 اجنة وربى يوفقج ويكتبلج النجاح بعمليتج

الله يرزقج ويرزقني ويرزق كل وحده تتمنى الضنا يا رب عاجل وغير اجل ان شاء الله
بدعيلج وادعي لي

الله يرزقج انشاء الله بالذرية بالصالحة