والحين خواتي حبيت اقولكم قصتي وتشاركوني فيها
انا الحمدلله عندي 3 اولاد الله يحفظهم وكانت جميع ولاداتي طبيعيه الحمدلله ولا مرة خذت موانع للحمل ولا مرة جربت مقويات ولا احتجت تنشيط ولا اي شي الحمدلله الا من قبل سنتين ولدي كبر فقلت يا الوقت أني احمل وأييب بنيه حاولت كم شهر ما شي حمل حاولت اكثر بعد نفس الحاله استغربت وقلت شو السالفه
المهم بديت رحلتي مع الدكاترة اول ما رحت عند الدكتورة قالت لي هرمون الحليب مرتفع عطتني دوا وخذته والحمدلله نزل مستوى الهرمون وقلت ان شاء الله بحمل
جربت فترة وبعد ما صار حمل سرت راجعت وقالت لي الدكتورة تكيس في المبايض ولازم اسوي لج كي وعطتني تحاميل وبعد الحمدلله ما صار شي
بعدين سوت لي تحليل دم وطلع عندي نقص حاد في الحديد ونقص في هرمون الغده الدرقيه مع أني بعمري ما شكيت من هالشيء وبعد التكيس بعده موجود وبعد فوق هذا الدورة غير منتظمه الحمدلله
المهم خذت فيتيكس وفوليك اسيد تقريبا ثلاث شهور ونفس الحاله الحمدلله
الشهر اللي طاف وصفتلي الدكتورة حبوب اسمها ليتروزول مع الفيتيكس والفوليك اسيد وبعد ما صار شي الحمدلله
هالشهر بعدني أخذ الفوليك والفايتكس وبعد ليتروزول لمدة خمس ايام من ثاني يوم دورة وبعد أخذ حديد وبعد وصفت حق عمري دوا خذته من نيوترشون زون عباره عن سيلينيوم وزنك وفيتامين A , B , C
وبعدني انتظر الله يكتب اللي فيه الخير ويرزق كل محروموم كل اللي يتمناه
ياليت اللي يقرا موضوعي يدعيلي ويدعي لكل المحروووووومات
ليش اليأس الغاليـــــــــــــــة تفائلــــــــــي بالخيـــــــــــر لا تيأسي من رحمة اللــــــــه يمكن اختبــــار لج من رب العالمـين خلي ايمـــــــــــانج بالله قوي ويمكن خيره لج هالتأخير الحمـــــــــــل وقولي الحمدلله رب العالمين ..
الله يرزقج ويرزقني بالذرية الصالحة عاجلا غير اجلا إن شااء الله .. صار لي 3 سنوات ولحيني ما حملت يالله الحمدلله رب العالمين ..