أشكال ورسومات لتزيين العلب المصنوعة من ورق لعروسة الامارات

السلام عليكم
من فتره حطيت كيفية صناعة العلب من الورق
https://www.uaewomen.net/showthread.php?t=221363

وبعض الخوات كانوا يطلبون الأدوات ..

بس مب لازم الأدوات تكون موجوده .. الواحد يقدر يستخدم أي شي عنده إذا في خاطره يطبق هواية معينه .. الأخت نجمة الفجر 2024 ماشاء الله عليها طبقت بدون استخدام الأدوات .. يعني أبسط استخدام وهذا هو المطلوب ..
الأدوات حق الناس اللي يمارسون هالهوايات بشكل كبير .. يعني أنا مثلا من 6 ساعات يوميا وما فوق ونا أمارس هالشغلات .. محتاجه أدوات .. لكن اللي يطبق حق التجربة .. يتعلم الأساسيات أول شي

واليوم بحط أشكال تقدرون تستخدمونهن حق تزيين العلب .. يعني مب لازم يكون عندج خرامت الأشكال ولا حتى أدوات التزيين .. كل المطلوب قلم ومقص أو سكين أوراق إذا أمكن .. إما ترسمين الشكل .. أو تطبعينه على طول وتقصينه

تقدرون تطبعون الأشكال على ورق ملون .. تقصونهن .. ونلصقونهن على العلب اللي سويتوهن قبل .. أو ترسمونهن على العلب

نبتدي ..

أول شي .. أشكالي المفضلة .. الورود

الورده يبالها أوراق طبعا

يتبع ….

وهاذي أشكال ثانية حق اللي يبغون غير الورد

بالإضافة إلى أي شي ثاني تقدرون تحطونه على العلب .. ريش .. كرستال .. ستكرات يبيعونها في المكتبات
أو حتى ترسمون بروحكم على العلب بالأقلام اللي فيها لمعة
وهاذا شكل أنا سويته قبل

وإن شاء الله تستفيدون وتطبقون
ونتمنى نجوف شغلكم بعد

السلام عليكم الغالية

مشكووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووورة فديتج جعله الله في ميزان حسناتج ان شاء الله خليني بنزله الحينه وبطبع وبأنتك فيه وبحطه هنيه تشوفين وتقولين رايج سوري ترا مرات بدون ما اقصد استوي رزة بس صدق احب اتعلم هالسوالف واااااااااااااااايد ,,, ومشكووووووووووووووووووووووووورة ما تقصرين ,,,

@ اختكم في الله @

ام ناصر ..

شكرا حبوبه

عليكم السلام والرحمه
أفا عليج أم ناصر لا رزه ولاغيره بالعكس وايد استانس يوم أجوف حد يطبق .. أحس سويت شي بفايده
وجان على هالسوالف .. اصبروا علييه بروايكم شغلات يديده إن شاء الله بين فتره وفتره وكلها تطبيقها سهل إن شاء الله

تسلمين

السلام عليكم الغالية

تسلمين والله ما تقصرين ,,, الله يقويج ان شاء الله ويعينج على نشر هالفن الرهيييييييييييييييييييييييييييييييييييييب والفناااااااااااااااااااان ما شاء الله ,,,

بس فديتج هل في امكانية تحطين لنا صور واسماء الادوات المستخدمة يعني لو في مقصات خاصة او شي لان مثل ما تشوفين ما شاء الله بعض الاوراق يبالها اشاء حادة عسب تقصقصها ,, فممكن تحطين لنا شكلها ( صور ) + اسماءها بالعربي وبالانجليزي وتقريبا هنيه في الدولة وين ممكن نلاقيها ,,, والله يوفقج ويرزقج وييسر لج الخير ان شاء الله دنيا واخره ,,,

@ اختكم في الله @