شحالكم خواتي
ولدي قريب يكمل سنه ونص
وإن شاء الله ناويه بإذن الله أكمل للسنتين بس يوم بفطمه أعطيه المرضعه ولا الكوب ما أدري ليش
أحس المرضعه أحسن قصدي من ناحية الكمية اللي بيشربها صح ولا أنا غلطانه
مع أن اغلب الدكاتره يقولون بعد السنه يفضل أن الطفل يشرب السوائل من الكوب بس ما أحسهم يشربون عدل
شو رايكم
وأصلا لين أي عمر أقدر أعطيه المرضعه
وتسلموووون
طبعا هو ما راح يوخذها بسهولة , الا لما يجوع , حاولي بالنهار ما اترضعيه منك و اعطيه المرضعة المغرب او العصر حسب القبول عنده
و بالتوفيق
واذا كنتي معتمدة ع الرضاعة الصناعية من ولادته فابدي امنعي عنه الحليب المجفف بعد اكماله عام كامل وابدي اعطيه الحليب السائل الطازج الكامل ..
اما اذا كنتي معتمدة الرضاعة الطبيعية فهالشي يعتمد عليج اذا تبي تكملي سنتين او لا ع كيفج ..
