أرجوكم طمنوني ..ابني و الحضانة للسياحة

السلام عليكم ورحمة الله
خواتي العزيزات
ابني عمره سنه وشهر ..من اسبوعين دخلته الحضانه يداوم 4 ايام بالاسبوع لمده 3-5 ساعات باليوم
ولدي كان جدا اجتماعي ويحب كل احد ويلعب مع كل احد …من دخل الحضانه صار متمسك فيني بطريقه جنونيه ..خايف اروح واهده ..يلعب اذا انا موجوده ويخاف يروح عند اي احد مايبي حد حتى ابوه قبل يحبه ويلعب معاه الحين مايبيه ..لما ارجع اخذه احس قلبه مخطوف من الخوف :'( ..وهو حليله ضعيف وزنه ناقص واحسه نحف أكثر من البكى والخوف ويمرض زكام وصدره من مكيفات الحضانه وهو شغال صياح
مب عارفه هل هالشي طبيعي ولا شو الحل يزاكم الله خير ..ريلي خايف من كثر صياحه يوقف قلبه ( بسم الله عليه ) او يصير فيه شي على المدى البعيد .وهل هتلشي مؤقت ولا شو ؟

فديتك طالما الولد متغير حاله نفسيا فلا توديه الحضانه يحلله بعده صغير

واذا لا بد منها جربي تغيري الحضانه يمكن ما يعرفون يتعاملون وياه ويحسسوه بالامان

بس اذا تقدري مافي اهم من ولدك اقعدي وياه في هالفترة مافي اهم من الضنا بالدنيا

وربي يحفظه لكم

اخ شاء الله حبيبتي مشكوره …للرفع

نصيحة ابنك اغلى من الدنيا والعمل والانشغال خلي بحضنك ولا تتركيه والله حرام وليش يبكي وتتركيه حرااااام خليه قبال عينك وبين ايديكي هذا طفل ملاك بريء والله لا سمح الله لو صارله شي رح تندمي ندم عمرك

اختي ولدي لما دخلته اول حضانه كان جي واكثر عقب سرت الحضانه سالتخم ليش طلعو لي مبررات عقب
مببراتهم مامشت علي عقب تميت اسال والمدرسات لين اخر شي وحده قالت لي ان المدرسه كان تصرخ عليه بشكل جنوني ومب على ولدج بس على كل للاطفال عقب اشتكيت عليها
عقب وديته حضانه ثانيه احين اطلع عيالي بضرابه

بختصار اذا ولدج ما رتاح لاتودنه

شي ثاني لازم اول يومين ثلاث اداومين وياه لان هو يوم اتودينه مفاجى ما يعرف شو السالفه فيخاف تخلينه عندهم وما تردين

اختي نصيحه روحي الحضانه فجاه واطلبي تشوفيه الكيمرا يمكن يخاف من المدرسه او واحد من الطلاب يخوفه

حبيبتي ترى الاطفال نوعيات ..

في اطفال يكونون اذكياء جداا ..

يعرفون معنى الخوف والابتعادعن الام..

لذا ما يتحمل يبعد عن امه ..

وهذا صعب جدا تخلينه يتعود على جو الحضانه ..

لازم تنتظرين لين يكبر شوي ..