أدوات وأغراض أخرى تحتاجينها في هواياتك الورقية دليل العروس

السلام عليكم
مثل ماطلبن الخوات .. الأدوات اللي بتحتاجونها حق الأشغال الورقية .. بالإضافة لشغلات لتزيين البطاقات أو العلب أو غيره ..
والأشيا اللي بحطها بتغنيكم عن الأدوات الخاصة بالهوايات .. من خرامات وغيره .. مابتحتاجونها خلاص

هاذي أشيا موجوده كل مكان عشان محد يقول ماعندي وماعرف أشتري من النت
ونبتدي باسم الله ..

الأدوات

1- لوحة لتقطيع الأوراق بالسكينة الخاصة "self healing craft mat" عشان ماتشخطون أثاثكم وطاولاتكم في البيت .. هاذي القطعة تشتغلين عليها وتكون مخططة عشان القياسات واستعمالها طويل .. اللي عندي من 3 سنين تقريبا
2- قلم رصاص لتحديد مكان القص "إذا محتاجين"
3- سكين خاصه بتقطيع الأوراق paper knife or paper cutter
4- مقص .. لاتاخذون مقصات الخياطه .. خذوا مقصات تكون موجودة صوب قسم الهوايات والألوان في المكتبات لأنها حاده شوي
5- مسطرة معدنية .. ليش ؟ لأنه يوم تقصون بالسكين .. ماتبغون تقصون المسطره وتخترب عليكم عقب فتره .. صح ولا لا ؟ وهاذي أضبط حق قص الأوراق السميكه
6- أي ألوان تبغونها للتزيين .. ألوان بلمعة .. ألوان على لمعة معدنية .. glitter pens "metal, pearl, stardust"
تكون شرات المعصار
7- "بالإضافة إلى " الصمغ الأبيض الخاص بالأشغال اليدوية
وهاذي صورته

مب أي صمغ .. ليش ؟ لأنه الصمغ العادي يوم يجف يخلي صبقة غليظه .. ويخرب الشكل .. لكن الصمغ الأبيض يوم يجف كأنه في الورقه منها وفيها .. وموجود في مكتبة دبي للتوزيع .. Craft Glue

الورق المقوى

في كل المكتبات .. أنا أشتري من فاروق ودبي للتوزيع .. بكل بساطه لأنهن المكتبتين القراب لي في أم القيوين LOL
اللي تشتري من النت تكتب card stock for crafts
تقدرون بعد تستخدمون بطاقات الأعراس .. بدال ماتفرونهن .. خذوا أي بطاقة عرس واشتغلوا عليها ..

ورق التزيين "للأشكال"
أرفع شوي عن الورق اللي فوق .. بس مب مثل أوراق الطباعة العادية

تقدرون تستخدمون دفاتر الرسم الملونه .. ألوانها أحلى بعد وسهله في القص والتشكيل ..
بعد من أي مكتبة عامة

الأغراض اللي بحطها الحين تتحصل كل مكان .. محلات الخيوط وأدوات الخياطة .. وبعضها في المكتبات

هاذي اشتريتها من النت Craft Ribbons
تقدرون تستخدمون أشرطة ملونه بأشكال من محلات اكسسوارات الخياطة
أشرطة .. طرابش .. فولك .. كرستال مسطح .. ولا أقوللكم .. خلوني بسوي محل وببيع عليكم أسهل

أزرار .. بالعربي الفصيح المحلي .. عقم هههههههههه
اللي في الصورة بعد من النت .. بس بعد في أغراض حلوه في محلات الأكسسوارات و الخيوط
Craft Buttons حق اللي يدورون في النت

ستكرات ثلاثية الأيعاد
موجودة بكثرة وبأشكال متنوعة في دبي للتوزيع
اللي حطيت صورهن مال يهال .. بس في أشيا وايد أرقى
اللي مايبغي يقص ويلزق ويلون ويرسم وماعرف شو .. يحط هالستكرات

وفي النهاية أغراض ثانية حصلتها مني ومناك .. ورود من محلات الخيوط والاكسسوارات .. من غير ورود مجففة من بوكيه هدية ومابغيت أفرهن .. وأي شي ثاني تحبون تحتفظون فيه ..

وحق اللي توهم مايعرفون شو السالفه .. ترى نحن يالسين نتابع المواضيع القبلية ونكمل عليها " مايطلبه المشاهدون يعني "

كيفية صناعة العلب
https://www.uaewomen.net/showthread.php?t=221363

الأشكال لتزيينها
https://www.uaewomen.net/showthread.php?t=225548

وبالتوفيق إن شاء الله للجميع وانتظروا كل فترة بنحط شي يديد

السلام عليكم الغالية

مـــــــــــــــــــــــــــــــــــــــــــــــــ ـــــــــــــــــــــــــاء اللـــــــــــــــــــــــــــــــــــــــــــــــ ــــــــــــه الغالية صراحة مشكـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــورة على الموضوع ومثل ما قلت في الموضوع السابقة بسير باجر المكتبة وبنشوف الميزانية تتحمل والا لين الشهر الياي اكون في هالوقت جمعت باترونات اكثر وافكار بعد اكثر ,,,

وبما انا في ( ما يطلبهن المشاهدون ) عيل انا ابا بعد عقب فترة يوم نكون ان شاء الله اتقنا الشغل الحالي للباترونات الجاهزة في النت ….. شو رايج تسوين لنا موضوع كيف نصمم باتروناتنا الخاصة بأفكارنا الخاصة شو القياسات المطلوبة وكيف نحسبها وادق ادق التفاصيل ,,,

ونصيحة اخوية سمعيها مني ,,,,,,> على قولة الغالية عنابة اقولج فتحي كلاس هنيه على الدقيقة 10 دراهم شو رايج هههههههههههههههههههههههه

اول وحدة بتنظر اسميها انا بس مو مشكلة بنسمع من ورا الباب خخخخخخخخخخخخخخخخخخخ

الله يوفقج ان شاء الله وييسر لج الخير ان شاء الله دنيا واخره … وجعله الله ان شاء واراد في ميزان حسناتج واثابج خير الثواب على نشرج لفن حلووو ينمي سمة الجمال عند المتعلمين ان شاء الله ,,,,,

@ اختكم في الله @

ام ناصر ,,,

عليكم السلام والرحمه ..

حبيبتي والله .. من شوي أقول لعنابه شكلي بفتح حصص اهنيه .. وبصور وبرتب وبعدل جني مدرسة .. هههههههههه
وبسحب الأهل كلهم لأنه كل حد عنده سوالف وهوايات غير عشان أحط مواضيع يديده ..

وماعليج انتي لج حصص خاصه lol
تامرين ..

تشجعين وتحمسين الواحد ماشاء الله … ومن عيوني .. بحسب الباترونات اللي عندي وبدور طريقة كيف نصممهن بروحنا ونغير فيهن بعد .. انتي اللي ماشاء الله عليج أفكار يا أم ناصر ..

والله يفرحج أكثر من ماتفرحيني إن شاء الله

هههههههههههه يحليلج يا ام ناصر تبين نفتحلج كلاس حقج بروحج حاضرين ^_^
منايه والله وفرتي علينا شرح وايد اشيا
keep it up sisty

يزااااااكم الله خير خواتي ^_^ ..جهد تؤجروووووون عليه باذن الله

مكشوورة على الموضوع…..

ما اتقصرون على هالدروس واتسهلون الامور في اشياء وااااااااااااااااااااااااااايده….

تسلمين على الرد الحلو

وهذا اللي نبغيه وإن شاء الله كل اللي بحطه يكون سهل ومفهوم

"تمت إضافة شي مهم وايد" نسيت أحطه .. اللي هو الصمغ الأبيض