أخيراً بتــطــلّــق !!!

انا ما أعرف كيف أبدأ وشو أقول ،،

انا من شهر يالسه في بيت أهلي متزاعلين أنا وريلي ،، والسبب قوي قوي قوي واااايد وأوله الخيانه غير باقي البلاوي .. حتى لو سرت المحكمة وقلت السبب ،، على طول القاضي بيطلــقــنا عن بعض بدون أي محاولات إصلاح من بينا .
المهم وبعد اتفاق ، اتفقنا إنا نطلق وننفصل عن بعض ،، هو متردد ويباني أرجع له ،، مب محبه فيني ،، لا .. بس عشان يراوي الناس إنه متزوج وعنده حرمة ،، ويلعب على كيفه لأن ما في وحده بترضى تاخذه إذا درت عن البلاوي إللي يسويها .. قال لي رجعيلي حتى لو ما ألمسج ،، بس اباج تكونين عندي لأنج ما تهونين علي تسيرين عني …

المهم ………. أنا طلبت منه إنا نــتـــقــابــل أنا وهو في مكان بروحنا بعيد عن أهلي وأهله وبيكون آخر لقاء وآخر حوار من بينا ،، ومن بعدها يطلقني ويروح ،، ( يعني لقاء وداع ) وهو لين ألحين ما يدري شو سبب هاللقاء لأني أنا أمس اتصلت فيه وقلت له بشوفك باجر ( إللي هو اليوم ) عشان أبا أتكلم وياك شوي . قال أوكي

ألحين بنات ،، أنا كتبت سالفتي عشان تكون عندكن خلفيه عن الموضوع ،، بس إللي أباه ألحين :
عطوني كلام أودعه فيه وأخليه يحس إنه بيــفــقــدني وبيندم على إللي سواه فيني ،، وإن لو يلف الدنيا كلها ما بيلقى وحده تحملته وصبرت عليه هالكثر ،، بس بنات بأسلوب هادي ،، لأن الحوار بيكون هادي بيني وبينه ،، أباه يصيح ،، أباه يعظ أصابعه ندم ….
أرجوكن ردن علي بسرعه لأن اللقاء اليوم ،،، وانا لين الساعه 2 ونص بكون قاعده عالنت وبعدين بكون مشغوله ..

وبعدين بخبركن عن الحدث بعد اللقاء

والسمووحه منكن

ربي يسهلج امووورج ويوفقج ..

إلا اذا هدفج الرجوع وحط الشروط فبقولج روحي وتوكلي والتقى معاه وقعدوا بروحكم واتفقوا على نتيجة