أختي الللي في الصف الثاني تعليم الامارات

السلام عليكم ورحمة الله وبركاتة

عندي أخت في الصف الثاني
انتوا تعرفون كيف المناهج تغيرت

أي ذكية بس ما اعرف ليش الخجل مسيطر عليها

هية اللحين في الصف الثاني وما تعرف تكون كلمة
أو تتهجى كلمة

صح تنطق الحروف
مثلا كلمة جمل
تقول ج م ل

ولا تقولها كاملة

فما الطريقة الصحيحة لتقرأ الكلمة
صحيحة

وبسرعة

أريد مساعدتكم جزاكم الله خير

يالله بسلامة
11 وحدة داشة وما في رد

بلاكم

ما فيها شي لو ساعدتووو

أو رفعتوا الموضوع

لا حول ولا قوة ألا بالله

اها المشكله يبيلها اهتمام من نوع خاص

اواحس الي يزيد المشكله الخجل لان الطفل يحس انه اقل من زملاءه في الفصل

هي لازمها تشجيع في البيت وفي الصف ، سيري كلمي مدرساتها عشان يهتمون فيها اكثر وانتوا دوركم في البيت خليها

تدرب اكثر على القرايه والكتابه

خليها مثلا تكتب 3 كلمات في اليوم تنسخ كل كلمه 10 مرات

وبعدين خليها تكتبها عن غيب

وشويه شويه هي بنفسها بتتشجع وبتقرأ بطلاقه

الغاليه ودي اساعدج .. بس ما فهمت شو مشكلتها بالضبط .. هل هي ما تقدر تقرأ؟ .. و الا تقدر بس تستحي؟ .. تقدر تكتب و الا لا؟

يا الله لتشكيلي ابكيلك انا بنتي نفس الحاله والي يقهرني فيها عاطيينها ترتيب موب حقها على قولت المعلمه موب هذا لازم يكون ترتيب بنتج بس اش اسوي ما تشارك في الصف معنها تعرف الاجابه بس ما تشارك الا في حالت ان المعلمه هي الي توقفها على طول تشارك … قالت المعلمه هذا شي غير معقول اني بخلي اطالبات رافعيين يدهم وبوقف بنتج عشان تشارك,,,,,,,,,,,,, ف الي عندها حل يا اخوات لا تبخل علي ؟؟

مشكورين على ردودكم الطيبة

واللي عندها مساعده ياليت ما تبخل فيها علينا

وعليكم السلام ورحمة الله وبركاته

يمكن أقدر أساعدك

بالنسبة للقراية لو تدربينها أنتي بروحج كل يوم على كلمات من ثلاث حروف بس ولا تزيدين على الثلاث حروف وحاولي تعطينها كلمات مب من الدروس وتبدين باللي كلها فتحات مثل ( كَتَبَ، دَرَسَ، فَتَحَ، أَكَلَ، قَرَأَ، رَكَضَ .. ) لين تتدرب على النطق عدل وعلى الإملاء بعد

بعدين انتقلي وياها للي فيها غير الفتحات بس من ثلاث حروف أو حتى من حرفين لين تتدرب

واستغلي أي إجازة عشان تعلمينها ولا تضغطين عليها في الأيام العادية

ولو تحاولين تشجعينها دوم بالهدايا والأشياء اللي تحبها

أما بالنسبة للخجل لو تكلمين مدرساتها يخلونها تطلع دوم على السبورة تكتب حتى لو حرف عشان تتعود ويخلونها تشارك ويا البنات بالإجابات الجماعية ولو يخلونها بعد تتطلع في الإذاعة الصبح تقرا قرآن أو حديث بيكون خير وبيخف عنها إن شاء الله

وعليج بالدعاء قبل كل شي والاستعانة بالله

أتمنى أكون أفتدج