أختار أهــلي ولا زوجي..جد انا تعبت من التفكير ساعدوني

بقولكم الموقف وابي رايكم بليز..انا اداوم الحمدالله واعطي مصرف شهريا للوالده واحين ريلي يقولي وقفي المصرف او نقصي منه المشكله ما اقدر اسوي هالشي لانه امي ظروفها صعبه وبيحز افخاطرها واااايد اني اسوي هالحركه وانا ادرى بظروفها وغير هذا كله اني بديت ريلي ع الكل..انا قتله اسمحلي مصرف امي ما يخصك فيه وانا ما راح اوقفه لانه الحمدالله راتبي امكفني وانا ما اشتكيتلك وقتلك زيدني بيزات.. وضحتله ظروف امي وما اقدر ..طبعا اتفاهمت معاه باسلوب سكت كمن اسبوع ورد فتحلي نفس الموضوع وقتله انه نحنا اتفقنا خلاص واحين من اسبوعين فتحلي نفس الموضوع قالي وقفي المصروف او فنشي من دوامج قتله كيف افنش وانا عندي التزامات قال عادي بسدها وهو اصلا ما يقدر يسدها يالله يسد التزاماته بس ماخذ السالفه عنااااد..

انا كارها تدخله في راتبي هو شو يخصه اعطي لاهلي او لا ..اونه شو يقولي مايصير تعطين لاهلج ولا درهم الا بيرضاي اذا انا مب راضي مايجوز تعطينهم لانه بتتاثمين صدج هالكلام يا بنات او لا انا ما اصرف ع اهلي من فلوسه هو انا اصرف من راتبي ..

والله اني مقهوره وضايجه منه ومب عارفه شو اسوي حد مر بنفس معاناتي انه ريلها يمنعها انه تعطي لاهلها والاهم من هذا كله كيف قدرتي تتصرفين وياه او اتوقفينه عند حده لانه جد انا افكر بالطلاق دامني بعدني ع البر والله ما ابي اخسر اهلي ع سبت ريل..