كل عام وانتوا بخير
مرحبا خواتي حبيت أنزلكم طريقة التشيز كيك وطعمه يخبل << مين يشهد للعروسة :d
ونسيت أصوره بس تراه مب بعيد عن هالصورة اللي حطيتها المهم بس أنا سويته بالعنب مب بالكرز وترومين تسوينه بالفريز .
أول طبقة حطي بسكوت مطحون ويا زبدة يعني عمود بسكويت + 7 قطع زبدة الصغيرة
(أنا حطيت أولكر ) وعقب دخليه الفرن دقيقتين أو ثلاث مب وايد
والطبقة الثانية علبة قشطة الخفق + دريم ويب + شوي حليب محلى
(وقشطة الخفق ترومين تستغنين عنها بالقيمر أو القشطة + حليب )
والطبقة الثالثة حطيت كمية من عنب + كوب ماي + جلي أحمر (بودرة) على النار لين ما يفور ويبدا العنب يذوب شوي طفي النار وحطي باقي العنب وهذا أحسن بدال الجاهز (باي فيلينق) صحي وطعمه عجيب
حطيه فوق طبقة الكريمة
وبالهنا والشفا إن شاء الله
هو بدون جبن؟