أحف شعر ويهي او لا ابى نصيحتكم تخلصي من السمنة

السلام عليكم ورحمة الله وبركاته

ارجوكم اعطوني نصيحتكم …

اريد احف شعر ويهي ,, لكن بشرة ويهي وايد حساسه حفيت ويهي مرتين وعقب قام يظهر لي حب وشوه منظر ويهي ,, الحين الحمد لله رجعت بشرة ويهي مثل ما كانت ,,, لكن فيني شعر بس موب كثيف .. يعني شعر ناعم وفاتح ,, بس خاطري أحفه ,, ابى بشرتي تكون صافيه ,, بس خايفه من الحف وخايفه من التشقير لأانه يحرق ويهي جربته كم مره,,,

اوقات اقول بسوي ليزر بس اخاف…
اللي عندها حل حقي ارجوكم لا تبخلون عليه بنصيحتكم

وجزاكم الله الف خير

اذا بشرتج حساسه لا تحفين .. انا بعد نفسج يوم حفيت طلعت لي حبوب وبلاوي .. ورد ويهي طبيعي
ورديت حفيت مرة ثانيه .. عاد صدق هالمرة تشوه ويهي .. والحبوب بعدها ..!!
واحس يبيلها وقت لين ماتختفي

وجان زين لو نحصل حل ثاني ..

انا كنت مثلج خايفه احف ويهي كنت اعتمد ع التشقير
اول مره حفيت.. تقطع ويهي من الحف ثاني مره طلعت حبوب
ثالث مره الحمدلله ما صار بويهي شي تعود ع الحف وصار
ويهي ناعم وكيووت شرات الملاك تدرين ندمت على كل يوم مر
كنت اشقر فيه ويهي وما حفيت..
ما انصح اي وحده تشقر لان التشقير كله كيماوي..
ان شاء الله اكون فدتج حبوبه..

وإذا فيه اماكن في وجهك الشعر زائد فيه مثل شعر الرجال فالجأي لحل دائم للمشكله مثل الليزر .

ماأنصحج تحفين ويهج .. دام انه حساس ويحبب .. يعني بيحبب كل مرة تحفين فيها .. انا صارلي كم سنه أحف على أمل انه ويهي مايحبب .. بس ماشي فايده .. كل ماأحف يحبب ويهي .. واتريا كم اسبوع لين يروحن الحبوب .. صدق طفررره .. وماخليت كريم وماجربته بعد الحف .. ولا شي فادني ..

حبيبتي نصيحة عن تجربة انا ويهي من النوع الحساس درجة اولى واول ما حف يشعلل حبوب الله لا يراويج بس فآخر مرة حفي سألت لبنانية عن الحل قالتلي خذي ماي ورد وحطية فالثلاجة وخلية يصير بارد بس مب مثلج لان الثلج يزيد الحبوب وبعد الحف خذي فوطة وغطيها فماي الورد ومرريها عويهج وجربتها والله لاول مرة احف وما واجة مشاكل جربي وشوفي بنفسج

نفسج ما قالت اختي احاسيس مدف.. ماي ورد ما شي احسن منه..