احم احم <<<< البنت مستحية خخخخ
اممممم كيف ابدأ لكم ما اعرف ..
المهم ببدأ
كنت اناا رايحه ابي اييب اختي من المعهد كان المغرب
قبل لا اطلع من البيت اتصلت الحرمة الي هيه يابت لناا الخطيب
وقالت باجر الريال واهله بيون يشوفون البنت ويتعرفون عليكم
اناا سمعت من امي وعرفت الموضوع
لبست بسرعه بسرعه واول ما تسكر امي من الحرمة التلفون اررركض واقول انا ما اعرفكم ما اعرفكم يالله اناا طاااااااالعه <<< اشرد منهم ومن نغزاتهم مستحيه خخخخخخ
ورحت يبت اختي ورجعت
ولمن رجعت استلووومني يالله يالله قومي شوفي شو بتلبسين شو بتسوي
ووحده تقول هااا هاا والله وبتعرسين وباجر بيي يشوفج الحبيب خخخخخخ
استلومني نغزااات وكلام محرجه
واناا ريولي مو شايلتني ومو مصدقه اني بجابل النااس باجر
ويه اليوم الي بييون فيه
الساعه 1 جي صحيت من النوم واختي داخله الغرفه وتقول قومي قومي يالعروس يالله بيووون بيووون
عااد مواعديناا انه بيكون العصر ييتهم يعني ساعه 5 جي
واناا اوكي تغديت وصارت الساعه 3 جي ابوي ناداني واستلمني
هاا شو جاهزة يالله قومي اتسبحي وتزهبي وتعدلي واناا ساكته هههههههه
اوكي تزهبت وتعدلت ويعني اتفقت مع خواتي احط شي خفيف قلوس وكحل خفيف
والبس مخورة مرتبه وحلوة وجي
صارت الساعه 4 بديت اتلبست واتعدل واهلي كل واحد فيهم يتعدل
اخواني تكشخو وتزهبو وحالتهم حاله اشوفهم واناا مستحييييييييه
اقول بنفسي اونه كل هذا علشاني اليوم خخخخخخ مصدقه نفسي
واناا والله ريوووووووووولي مو شايلتي احس انهاا والله متشلل من الأرتباك والخوف
وطبعاً ترى ما نمت عدل كله اتقلب وما اتخيل نفسي بجابل ريال خخخخخ
اوكي صارت 5 وكلناا متزهبين ونترياهم
تتصل الحرمه وتقول نحن مضيعين مانعرف وين بيتكم ههههههه
ترى الريال الخطيب ما نعرفه جارتناا شافتني مره في عرس وقالت لأمي نسيبناا عنده ربيع ويبي يعرس وبيبه لبنتج ومن جي يه لناا هالخطيب ..
المهم
ترييناا وترييناا الين صارت الساعه 6 ونص جي خخخخخ ع اعصابي وع ناار يالسه وريولي كلما لهاا تتشلل اكثر احس نفسي ما اقدر امشي ..
اخوي الصغير وقف عند الباب لانهم كانو مضيعين
المهم وصلو البيت وصار الي صااااااااااااار
…
امممممممم
دخلو الحريم فالصاله والريايل فالميلس
عااد خواتي واقفات عند الدرييييييشه يبون يشووووفون ههههههههههههه
واقفين عند دريشة المطبخ لان الدريشه ع باب الحوش ويبان منو يدخل يبون يشوفون المعرس خخخخ
اول ما وصل ييوو خواتي وطايرين فرح يقولون سمعي سعمي كشششخه لبست عقاله وسيارة رنج خخخخخخخ واناا ارجف من الرعبه ههههههههه
دخلو ويلسو شوي جي يمكن بس 5 دقايق او 10 يمكن وقالو وين البنت الحريم طلبوني
واناا ما ابي اطلع وبالأخير طلعت واناا مسسسسسسسستحيه حدددددي
اسلم وكل وحده فيهم تبحلق في عيوني وويهي وانا اسلم وارجف هههههه
كانت الي يايين
اخته وامه وجارتناا الي يابته لنااا ..
سلمت ويلست
واناا العب بأصابعي من الأحراج
وهو يتصاصرون ماعرف شو يقولون
واستلمتني اخته
اول سؤال
شو اسمج خخخخخخ يايه تخطب وما تعرف اسمي هههههههه
وبعدين سألتني كم عمري ؟
وهل اني ادرس او اشتغل ؟
ويعني كم سؤال عادي
وامه تسأل لو اني مكمله دراسه ولا لا ويعني سوالف حريم
وبعدين حسيت اني بموت ضيقه من الأحراج
طلعت ورحت لأخواتي فالمطبخ واناا اقووول اوووووووووف اوكسجييين اوووكسجييييييين بمووووت
ههههههههههههههه وابوي كان فالمطبخ ما انتبهت عليه ههههههه قال لي ليش شو فيج
تقفطت وقلت هاا لا لا بس مستحيه وشردت منهم هههههه
اوكي وبعدين حطو لهم فاله واناا شردت طلعت يلست مع خواتي وهم يسؤلوني شو قالو لج شو وشو شو
اوكي وبعد ما تقهوا
دخلت اناا بصينية العطور
سلمتهاا لحرمة اخوي لاني ارجف وما قلت لهاا ما اقدر اقدم لهم العطر استحيييييييي وارجف
وهيه قدمت لهم وتعطروا
وشوي وقالو الريال يبي يدخل يشووووووووووفج
وانااااااااااااااااا
واااااااااه لو تتخيلووووووون شكلي مت مت احراااااااج
ابي اعدل الشيله ايدي ترجف ما اقدر اعدلهااخخخخخخخ
ريولي ما شالتني تيبست والله
يلست ع الغنفه وامه يالسه قربي شوي واخته راحت له عند الباب تدخله
ما دخل ييلس لا
بس وقف عند الباب
اول ما دخل اناا متتتتتتتتتتت احراج وقف عند الباب وهو يطاللع واناا ميته احراج اررررررررجف
وع فكرة لمن دخل اناا ما وقفت تميت يالسه ع الغنفه خخخخخخخخخ
امي تقول قومي وقفي كانت واقف ع جنب فالغرفه تقول وقفي وقفي وانا قاااااااااااااافطه خفت اوقف وريولي ما تشيلني واطيييح
قمت وقفت والله اني حسيت انه ريولي ما تشيلني وقفت واناا ماسكه عمري بالغنفه مدري كيف كنت ما اقدر اوقف تقول لي امه شوفيه يا…….. شوفيه رفعت راسي ولا هو مبحلق يناظر خخخخخخخخ
نزلت راسي استحيت
وربي ما شفت شي اتصدقون خخخخخخ
مدري كم تم واقف يكلم اخته ويشوف واناا ويهي بالأرض ما اعتقد شاف شي
وظهر بعد ما ظهر ع طول ظهرو وراه اهله سلمو ووأظهروا
واناا اول ما سلمت وطلعو من الباااااااااب
طيحت نفسي ع الغنفه ويلست قلت اوووووووووووووووف تيبست
مت احراااااااج دخلو خواتي علي هاا هااا شو كان والثانية تقول كشششششششخه كان
والي تقول عقاله وغتره واللبسه ورزته يووووه يدوخ واناا مو عارفه ربي وين حاطني من الأرتباك والخوف هههههههههه
وامممممممم
وبسسسسسسسسسسسسسسس
بسكم هالتقرير الطويييييييييل الي طلع روحي واناا اكتبه خخخخخخخ
ان شاء الله يعيبكم التقرير ويكون خفيف عليكم
ربي يسعدكم ويوفقكم
بتنورون موضوعي يالغالياااات
مرحباااااااااااا بكم
ربي يتمم على خير ويصير نصيب ان شاء الله
الأسبوع الياي رح ايون نيلس وياهم ونتفق ع الأمور الثانية
ربي يكتب الي فيه الخير ونتبارك في حياتنااا
تسلمين على المرور الكريم اختي
تقريرج ظحكني هههههههه لاني حاسه فيج
وعقبال البنوتااااااات كلهم..واولهم انا
ادعوووووووووولي
تسلمين على المرور الكريم
ربي يوفقج ويسعدج وينور حياتج
بارك الله فيج
ودي لج